is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/21145

Titill: 
  • Hafði hrunið áhrif á samsetningu og vægi viðskiptavina í Héðni hf.?
Námsstig: 
  • Bakkalár
Leiðbeinandi: 
Útdráttur: 
  • Öll fyrirtæki eiga viðskiptavini. Viðskiptavinir geta verið bæði innan og utan fyrirtækisins (Albrecht, Tryggvi og Þórir, 1994). Í þessari ritgerð er áherslan á ytri viðskiptavini, þá sem skapa fyrirtækinu tekjur.
    Héðinn hf. var stofnað 1922 en fyrirtækið sérhæfir sig í sölu og þjónustu til þriggja stórra atvinnugreina; fiskimjölsiðnaðar, þjónustu við fiskiskip sem eru >30 metrar að lengd og stóriðju.
    Í ritgerðinni er gerð greining á viðskiptavinum þar sem skoðað er hvaða viðskiptavinir skila mestum tekjum. Grunngreining var ekki næg til að geta svarað rannsóknarspurningum og því voru gerðar viðbótargreiningar þar sem greint var hvort breytingar hafi orðið á samsetningu viðskiptavinahópsins við hrun.
    Ritgerðin er unnin í samstarfi við Héðinn hf. þar sem gerð er greining á viðskiptavinum á tveimur þriggja ára tímabilum. Fyrra tímabilið er á árunum fyrir hrun og hið síðara er síðustu þrjú ár. Gögnin sem byggt er á eru töluleg gögn sem tekin eru úr viðskiptamannabókhaldi fyrirtækisins. Upp úr gögnunum var unnin ABC greining sem ekki reyndist nægilega ítarleg þannig að viðbótargreiningar voru gerðar til að skerpa niðurstöður.
    Greining gagnanna ásamt ytri upplýsingum leiddi í ljós að málmiðnaður á Íslandi virðist hafa staðið af sér hrun. Samsetning viðskiptavina fyrirtækisins bendir til þess að stór hluti viðskiptavina sé tryggur fyrirtækinu og að fyrirtækið hafi staðist niðursveiflu með auknum umsvifum á erlendum vettvangi.
    Niðurstöður greiningar þarf að taka með fyrirvara, aðeins eru greindar upplýsingar um viðskiptavini í stöku fyrirtæki í stakri atvinnugrein og því ekki hægt að alhæfa út frá þeim.

Samþykkt: 
  • 7.5.2015
URI: 
  • http://hdl.handle.net/1946/21145


Skrár
Skráarnafn Stærð AðgangurLýsingSkráartegund 
Hafði hrunið áhrif - Lokaútgáfa.pdf1.17 MBOpinnHeildartextiPDFSkoða/Opna