ÍslenskaenEnglish

Aðilar að Skemmunni

Leit eftir:


LokaverkefniHáskólinn á Akureyri>Heilbrigðisvísindasvið>B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/212

Titill

Unglingar, sérþarfir og skólatengd iðja : eigindleg rannsókn á þörfum unglinga á aldrinum 12 - 15 ára í grunnskólum Sveitarfélagsins Skagafjarðar

Útdráttur

Tilgangur verkefnisins er að vekja athygli á málefnum unglinga með sérþarfir innan veggja skólakerfisins. Teknar eru saman heimildir um skólatengd vandamál nemenda á grunnskólaaldri og þá þjónustu sem iðjuþjálfar veita í þeim tilgangi að efla færni þeirra við skólatengda iðju. Til að fá sjónarhorn nemendanna sjálfra á hvernig þeir upplifa vandamál sín við skólatengda iðju eru tekin viðtöl við 10 ungmenni á aldrinum 12 -15 ára í einum af grunnskólum Sveitarfélagsins Skagafjarðar. Viðtölin snúast um athafnir og verkefni er tengjast skólanum og unglingunum finnst þeir ekki geta sinnt sem skyldi. Einnig eru þeir spurðir um þá stoðþjónustu sem þeir fá. Í viðtölunum er matstækið Canadian Occupational Performance Measure (COPM) notað sem viðtalsrammi. Í verkefninu er leitast við að svara eftirfarandi spurningum:
1. Hvaða iðjuvanda upplifa nemendur með sérþarfir að þeir eigi við að etja varðandi nám
og aðrar skólatengdar athafnir?
2. Hvaða stoðþjónustu fá þessir nemendur og hvað finnst þeim um hana?
Unnið var úr upplýsingum á eigindlegan hátt þar sem þau atriði er fram komu í viðtölunum voru flokkuð og dýpkuð og mynduð þemu er tengdust upplifun nemendanna á vandamálum við skólatengda iðju. Niðurstöður leiddu í ljós að allir þátttakendur í rannsókninni upplifðu vandamál við skólatengda iðju, ýmist við nám eða félagslega þátttöku. Iðjuvandamálin birtust vegna þess að viðfangsefnin voru ekki alltaf við hæfi og/eða umhverfið var ekki alltaf að koma til móts við þarfir nemendanna á þann hátt sem „þeim“ hentar og þau sem einstaklingar telja best. Flestir þátttakendur töldu mikilvægt að fá stoðþjónustu og sú þjónusta sem þeim er veitt virtist í flestum tilfellum samræmast þörfum þeirra og þau vera ánægð með fyrirkomulagið. Það sem þátttakendum fannst helst vanta tengdist félagslega þættinum eins og að skapa meiri umræðu um vináttu, samskipti og nálgun. Niðurstöður rannsóknarinnar voru nokkuð samhljóma þeim rannsóknum og greinaskrifum sem fram komu í heimildasamantekt. Það er von rannsakanda að niðurstöður geti nýst fagstéttum í skólakerfinu og þá sérstaklega í grunnskólum í Sveitarfélaginu Skagafirði til að stuðla að betri og markvissari þjónustu við nemendur með sérþarfir.
Lykilhugtök: Unglingar, sérþarfir, skólatengd iðja, iðjuvandi, stoðþjónusta

Athugasemdir

Verkefnið er opið nemendum og starfsfólki Háskólans á Akureyri

Birting
1.1.2004


Skrár
NafnRaðanlegtStærðHækkandiAðgangurRaðanlegtLýsingRaðanlegtSkráartegund
ungser-e.pdf96,6KBOpinn Unglingar, sérþarfir og skólatengd iðja - efnisyfirlit PDF Skoða/Opna
ungser-h.pdf104KBOpinn Unglingar, sérþarfir og skólatengd iðja - heimildaskrá PDF Skoða/Opna
ungser-u.pdf127KBOpinn Unglingar, sérþarfir og skólatengd iðja - útdráttur PDF Skoða/Opna
ungser.pdf2,66MBTakmarkaður Unglingar, sérþarfir og skólatengd iðja - heild PDF