is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/21481

Titill: 
  • Fölsk fegurð? Áhrif viðvörunarmerkinga á auglýsingar með myndbreyttum fyrirsætum
  • Titill er á ensku Virtual beauty? Investigation of the addition of warning labels to media images of retouched models
Námsstig: 
  • Bakkalár
Útdráttur: 
  • Hið vestræna neyslusamfélag sem við búum við í dag er hlaðið óbeinum skilaboðum hvert sem litið er og línan milli þess hvað telst auglýsing og hvað ekki er óljós. Skilaboðin sem auglýsingar senda konum um útlit þeirra verða sífellt kröfuharðari og fjarlægari raunveruleikanum. Konur eru ýmist taldar of grannar eða of feitar og hlutgerving kvenlíkamans er nánast orðin hversdagsleg. Það verður til þess að konur dæma í auknum mæli líkama sinn og eru í stöðugum samanburði. Í kjölfarið verða það eðlislæg viðbrögð að konur leiti leynt eða ljóst að göllum á sínum eigin líkama og líkama annarra kvenna. Tækniþróun og aukið aðgengi almennings að myndbreytiforritum hefur að mörgu leyti brenglað skynjun okkar á því hvað telst líkamleg fegurð. Nánast öllu myndefni sem notað er í auglýsingaskyni hefur verið breytt með myndbreytiforritum og við erum orðin skilyrt um að allt eigi að vera óaðfinnanlegt og „photoshoppað“. Þeirri hugmynd er komið fyrir í huga kvenna að þær séu þessvegna nánast knúnar til þess að eiga við útlit sitt á þeim myndum sem þær birta af sér. Til þess að sporna við þeirri þróun hafa innleiðingar á viðvörunarmerkjum á auglýsingar sem innihalda myndbreyttar fyrirsætur komið fram á sjónarsviðið. Viðvaranirnar benda neytendum á það að taka útliti fyrirsætunnar með fyrirvara og geta þær hugsanlega grafið undan staðalímyndum og óraunhæfum viðmiðum.
    Framkvæmd var megindleg rannsókn til þess að komast að því hver áhrif þess að setja viðvaranir á auglýsingar eru á kauphegðun og viðhorf kvenna til auglýsinga. Niðurstöðurnar sýna að viðvaranir draga ekki úr áhrifamætti auglýsinga og hafa ekki áhrif á kaupáform.

Samþykkt: 
  • 12.5.2015
URI: 
  • http://hdl.handle.net/1946/21481


Skrár
Skráarnafn Stærð AðgangurLýsingSkráartegund 
BS_ritgerd_Folsk_fegurd_Edda_Konradsdottir.pdf1.39 MBOpinnHeildartextiPDFSkoða/Opna