Líkamsrækt: Tengsl við ánetjun hreyfingar og aukna vöðvastærð

Abstract

Í þessari ritgerð verður sjónum beint að áhrifum fíknar og hvort fólk geti ánetjast líkamsrækt. Fjallað verður um áhrif þess að stunda of mikla líkamsrækt sem getur orðið einstaklingnum skaðleg en það hefur verið nefnt líkamsræktarfíkn. Líkamsræktarfíkn er oft skoðuð sem undirflokkur atferlisfíknar, en í nýjustu útgáfu DSM greiningarkerfisins er spilafíkn eina skráða atferlisfíknin. Fyrst verður gerð grein fyrir hugtakinu fíkn almennt. En síðan verður rætt um atferlisfíkn og undirflokka hennar sem ekki hafa enn verið viðurkennd í DSM-V greiningarkerfinu sem atferlisfíkn. Aðal umfjöllunarefni þessarar ritgerðar er líkamsræktarfíkn, uppruni og einkenni hennar og þau greiningarviðmið og mælitæki sem hafa verið þróuð til að meta hvort að einstaklingur sé með líkamsræktarfíkn eða ekki. Einnig er stutt umfjöllun um tengsl líkamsræktarfíknar við átröskun sem og umfjöllun um vöðvaskynjunarröskun sem er fíkn í stærri vöðva. Að lokum verður svo talað um þær lífeðlisfræðilegu útskýringar sem talið er að stuðli að þróun líkamsræktarfíknar.