is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/21727

Titill: 
  • „Og hann gerði bara allt sem að alvöru forystusauður átti að gera!“ Rannsókn á viðhorfum til forystufjár
Námsstig: 
  • Bakkalár
Leiðbeinandi: 
Útdráttur: 
  • Ritgerð þessi fjallar um forystufé, sem hefur lengi verið mikilvægur hluti af íslenskum sauðfjárbúskap. Farið er gegnum sögu þess eins og hún kemur fram í rituðum heimildum, allt frá handritum í fornöld þar til í bókum og blaðagreinum dagsins í dag. Mikið var skrifað um forystufé á 20. öldinni sem má rekja til vitundarvakningar þegar fólk fór að gera sér grein fyrir því að forystufé væri í útrýmingarhættu. Orðræðan síðan þá verður athuguð, greind og borin saman við það sem er sagt nú í dag. Helstu rit síðan þá er bók Ásgeirs Jónssonar frá Gottorp, Forystufé, ásamt blaðagreinum frá þessum tímum.
    Fyrir þessa ritgerð voru notuð sjö viðtöl þar sem viðhorf viðmælenda voru greind. Tvö þeirra tók höfundur en hin fimm voru fengin hjá Fræðasetri um forystufé, sem opnaði sumarið 2014. Í viðtölunum kemur fram hvernig þetta fólk hugsar um forystufé, af hverju það ræktar það og hvernig samlífið með þeim er. Þar er fénu lýst í þaula, allt frá útliti til hugsana. Einnig er tekið til athugunar hvernig mismunandi fólk segir frá sömu atburðum og hvernig minnið virkar.
    Það er sem rauður þráður gegnum talsmáta fólks frá fyrri hluta 20. aldar og hjá heimildarmönnum ritgerðarinnar að forystufé sé nokkuð sem þurfi að viðhalda. Það kallast sterkt á við orðræðu um menningararf. Þegar um er að ræða menningararf eru næstum alltaf síðustu forvöð til að bjarga viðkomandi fyrirbæri. Forystufé virðist þó ekki lengur eiga undir jafn mikið högg að sækja og voru heimildarmenn mínir bjartsýnir á framtíð þess.

Samþykkt: 
  • 29.5.2015
URI: 
  • http://hdl.handle.net/1946/21727


Skrár
Skráarnafn Stærð AðgangurLýsingSkráartegund 
GGIB_hi_kapa_nov14_final.pdf1.04 MBOpinnKápaPDFSkoða/Opna
BA ritgerð í þjóðfræði Guðlaug G I Bergsveinsdóttir - Copy.pdf860 kBOpinnHeildartextiPDFSkoða/Opna