is Íslenska en English

Lokaverkefni (Meistara)

Háskóli Íslands > Heilbrigðisvísindasvið > Meistaraprófsritgerðir - Heilbrigðisvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/21890

Titill: 
  • Hvað skiptir konur máli í tengslum við val á fósturgreiningu? Samanburður á fósturgreiningu í móðurblóði og fósturgreiningu með legástungu
  • Titill er á ensku Women´s preferences for prenatal tests: A discrete choice experiment to contrast noninvasive prenatal testing with current invasive tests
Námsstig: 
  • Meistara
Útdráttur: 
  • Hér á landi stendur barnshafandi konum til boða fósturskimun snemma á meðgöngu. Þeim konum sem fá niðurstöðu um auknar líkur á litningagalla hjá fóstri er boðið að fara í fósturgreiningu og litningagerð fóstursins er rannsökuð með legvatnsástungu eða fylgjusýnitöku. Legástungur eru ekki án allrar áhættu en líkur á fósturláti í kjölfar legástungu eru um 1%. Verið er að þróa nýja tegund fósturgreiningar sem felur í sér minni inngrip. Tekin er blóðprufa úr móðurinni til að greina hvort fóstur er með einn af þremur algengustu litningagöllunum sem eru þrístæða 21, 18 og 13. Ef taka á nýja tegund fósturgreiningar upp í hefðbundinni meðgönguvernd er mikilvægt að gera sér grein fyrir hvaða þættir eru mikilvægastir fyrir barnshafandi konur.
    Tilgangur þessarar rannsóknar var að skoða hvaða þættir fósturgreiningar eru mikilvægastir að mati barnshafandi kvenna. Bornar voru saman tvær tegundir fósturgreiningar; fósturgreining sem gerð er á frumum í móðurblóði og fósturgreining eins og legástunga sem felur í sér meira inngrip.
    Notuð var megindleg aðferð til að nálgast viðfangsefnið. Í þýði voru allar barnshafandi konur sem voru í meðgönguvernd á heilsugæslu höfuðborgarsvæðisins frá júní til nóvember 2014. Alls náði rannsóknin til 300 barnshafandi kvenna sem komnar voru 20 vikur eða lengra á sinni meðgöngu. Úrtakið var hentugleikaúrtak og þeim konum var boðin þátttaka sem höfðu annaðhvort hafnað fósturskimun eða fengið niðurstöðu um litlar líkur á litningagöllum.
    Niðurstöður rannsóknarinnar gefa til kynna að barnshafandi konur vilji rannsókn sem er örugg, framkvæmd snemma á meðgöngu, með mikla nákvæmni og gefur ítarlegar upplýsingar um þrístæðu 21 og aðra litningagalla. Sá þáttur rannsóknarinnar sem var mikilvægastur að mati barnshafandi kvenna var öryggi, það að rannsóknin hefði enga hættu á fósturláti í för með sér. Aftur á móti var kostnaður við rannsóknina sá þáttur sem skipti barnshafandi konur minnstu máli.
    Lykilorð: Fósturgreining, óbundið erfðaefni fóstursins, ekki-ífarandi, viðhorf, barnshafandi konur.

  • Útdráttur er á ensku

    All pregnant women in Iceland are offered a screening test for chromosome defect. Women who screen high risk are offered an invasive diagnostic test, amniocentesis or chorionic villus sampling, which carry a risk of miscarriage of around 1%. In a new diagnostic test, non-invasive prenatal testing (NIPT), cell-free fetal DNA (cffDNA) in maternal blood can be used to detect whether the fetus has one of the three most common chromosomal defect, trisomy 21, 18 and 13. If NIPT is going to be introduced into routine clinical practice it is important to understand which test attributes are most highly valued by pregnant women.
    The purpose of this study was to determine pregnant women preferences for key attributes of prenatal testing. Two prenatal diagnostic tests were compared: non-invasive prenatal testing such as NIPT and invasive testing as amniocentesis.
    A quantitative method was used to approach the subject. The population included all pregnant women attending antenatal care in the capital area. In total, the study involved 300 pregnant women who were at least 20 weeks pregnant. The study group was a convenience sample where all of the pregnant women invited to participate had either declined Down syndrome screening or had already undergone screening and had screened low-risk.
    The results indicate that women prefer safe test that is conducted early in pregnancy with high accuracy and provides information about trisomy 21 and other chromosomal defects. Having a test with no risk of miscarriage was the most important attribute of the test. However, a low financial cost for patients, was the least important attribute of the test.
    Keywords: Prenatal diagnosis, cell free fetal DNA, non-invasive, attitude, pregnant women.

Samþykkt: 
  • 5.6.2015
URI: 
  • http://hdl.handle.net/1946/21890


Skrár
Skráarnafn Stærð AðgangurLýsingSkráartegund 
Hvað skiptir konur máli í tengslum við val á fósturgreiningu.pdf1.45 MBOpinnHeildartextiPDFSkoða/Opna