is Íslenska en English

Lokaverkefni (Bakkalár)

Háskólinn á Akureyri > Hug- og félagsvísindasvið > B.A./B.Ed. verkefni >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/21975

Titill: 
  • Fjölskyldumáltíðir og tengsl við samskipti og stuðning innan fjölskyldna : rannsókn á viðhorfum unglinga í 10. bekk á Íslandi skólaárið 2013-2014
Námsstig: 
  • Bakkalár
Útdráttur: 
  • Megin markmið rannsóknarinnar var að kanna hvort tengsl væru á milli fjölskyldumáltíða hjá unglingum og upplifun þeirra á gæðum samskipta og stuðningi frá fjölskyldum sínum. Rannsóknin er unnin úr gagnasafni úr íslenska hluta alþjóðlegu rannsóknarinnar Heilsa og lífskjör skólanema (Health Behavior in School-aged Children: HBSC). Hún er gerð að tilstuðlan Alþjóðaheilbrigðisstofnunarinnar (WHO). Gögnunum sem unnið var með í þessari rannsókn var safnað skólaárið 2013-2014. Staðlaður spurningalisti var lagður fyrir í 10. bekk í grunnskólum á Íslandi. Þetta skólaár voru 4264 nemendur skráðir í 10. bekk en svör fengust frá 3618 nemendum. Spurningar könnunarinnar snúast um heilsu og líðan unglinganna en í þessari rannsókn var eingöngu unnið með fjórar spurningar auk upplýsinga um kyn og aldur. Niðurstöður leiddu í ljós að 97% unglinga í 10. bekk borða kvöldmat með fjölskyldunni einu sinni í viku eða oftar. Einungis 54% þeirra borða morgunmat með fjölskyldunni einu sinni í viku eða oftar. Tengsl voru á milli þess að börnin svöruðu að þau borðuðu oft kvöldmáltíð með fjölskyldunni og að samskipti væru góð innan hennar. Einnig mátti sjá samskonar tengsl við stuðning frá fjölskyldu. Eftir því sem unglingarnir borðuðu fleiri kvöldmáltíðir með fjölskyldunni jókst ánægja með samskipti innan fjölskyldunnar og stuðning. Rúmlega 83% unglinga sem borða kvöldmáltíðir með fjölskyldunni einu sinni í viku eða oftar segjast vera sammála eða mjög sammála um að samskiptin séu góð innan fjölskyldunnar. Meira en 60% þeirra segjast frekar sammála eða mjög sammála því að fá stuðning frá fjölskyldunni.

  • Útdráttur er á ensku

    The main goal of the study was to examine whether there is correlation between family meals communication and support in families. The study is compiled from data from the Icelandic part of an international study Health Behavior in School-Aged Children: HBSC. It is initiated by the World Health Organization (WHO). The data collected in this study was collected during the academic year 2013-2014. A standardized questionnaire was administered in the 10th grade in elementary schools in Iceland. This school year 4.264 students enrolled in the 10th grade, but answers were obtained from 3618 students. The survey covers questions about health and well-being of teenagers but data from only four questions where used along with information about gender and age. The results showed that 97% of teenagers in 10th grade eat dinner with the family once a week or more. Only 54% of them eat breakfast with the family once a week or more. Significant correlation was found between eating dinner often with the family and communication within the family and support within the family. Eating more family meals increased the satisfaction of communication within the family. More than 83% of teens who eat family meals once a week or more say they agree or strongly agree that communication is good within the family. Over 60% of them say they agree or strongly agree that they are getting support from their family.

Samþykkt: 
  • 9.6.2015
URI: 
  • http://hdl.handle.net/1946/21975


Skrár
Skráarnafn Stærð AðgangurLýsingSkráartegund 
BA Lokaskil.pdf594.29 kBOpinnHeildartextiPDFSkoða/Opna