is Íslenska en English

Lokaverkefni (Meistara)

Háskólinn á Bifröst > Félagsvísindadeild > Meistarverkefni í félagsvísindadeild (MA) >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/22031

Titill: 
  • Að finna upp hjólið : viðhorf kennara og stjórnenda grunnskóla Reykjanesbæjar gagnvart samvinnu og samnýtingu á kennsluefni á milli skóla
  • Titill er á ensku Inventing the wheel : Teacher’s and administrator’s attitudes toward cooperation and coordination of curriculum between schools
Námsstig: 
  • Meistara
Útdráttur: 
  • Tilgangur þessarar rannsóknar var fyrst og fremst að athuga viðhorf kennara og skólastjórnenda til samstarfs og samnýtingu á efni á milli grunnskóla innan sama bæjarfélags og hvernig það samstarf myndi nýtast kennurum og starfi skólans í heild. Þau sjónarmið sem fjallað er um út frá þessum spurningum er skóli án aðgreiningar, PBS (stuðningur við jákvæða hegðun) og hlutverk skólastjórnenda í að koma á breytingum innan skóla.
    Sendur var út spurningalisti á netinu til allra kennara starfandi í grunnskólum Reykjanesbæjar og var svarhlutfall um 42% eða 73 af 174 kennurum, 64 konur og 9 karlar. Hlutfall þeirra sem höfðu kennt í 4 ár eða lengur var meira 85% og þeir sem höfðu kennt í 10 ár eða lengur rúm 53%. Þegar spurt var um viðhorf gagnvart samvinnu voru yfir 75% þátttakenda mjög sammála eða frekar sammála að koma ætti á meiri samvinnu á milli kennara á milli grunnskóla innan sama bæjarfélags.
    Viðtöl voru tekin við átta einstaklinga innan grunnskóla Reykjanesbæjar, tvo kennara, þrjá deildarstjóra, einn aðstoðarskólastjóra og tvo skólastjóra. Niðurstöður þemagreiningar á þeim viðtölum gáfu dýpri sýn inn í viðhorf kennara og stjórnenda í grunnskólum Reykjanesbæjar. Það sem viðtölin gáfu umfram könnun var samband skóla og fræðsluskrifstofu og hvernig samstarfi sé háttað innan og á milli grunnskóla í Reykjanesbæ. Viðhorf þátttakenda í viðtölum var keimlíkt viðhorfi kennara úr könnun og var mikið samræmi á milli svara, þó með meiri útlistun í viðtölum.
    Helstu niðurstöður voru að meirihluti kennara og stjórnenda voru með jákvæð viðhorf í garð samvinnu á milli skóla og þá bæði hvað varðar kennsluhætti og samnýtingu á efni. Þátttakendum viðhorfskönnunar fannst samvinna á milli kennara mikilvæg en um 98% þeirra töldu þá samvinnu mjög eða frekar mikilvæga. Þá voru um 62% þátttakenda mjög eða frekar sammála að það ætti að samræma kennsluefni á milli skóla. Þátttakendur í viðtölum voru á sama máli en voru varhuga þess konar samræmingu því hún gæti dregið úr sérkennum hvers skóla. Þátttakendur voru einnig mun gjarnari að deila kennsluefni með samstarfsfélögum en með kennurum annarra skóla eða 75% deilir kennsluefni mjög eða frekar oft með samstarfsfélögum en innan við 10% eiga í þannig samstarfi við kennara annarra skóla.
    Lykilorð: Grunnskólar, samvinna, samhæfing, samnýting, stjórnendur.

  • Útdráttur er á ensku

    The main purpose of this essay is to measure the attitude of teachers and school administrators towards cooperation and sharing of self-made teaching materials among schools within the same district, as well as how this might aid in their curriculum. The subject is investigated from several perspectives: inclusion, positive behavior support (PBS) and the role of school administrators in implementing change within the schools.
    A web based questionnaire was sent to all the teachers in elementary schools in Reykjanesbær and there was a 42% response rate, that is 73 of 174 teachers, 64 women and 9 men. In the response group, more than 85% had taught for 4 years or longer and over 53% had 10 years experience or more. When asked about their attitudes towards cooperation, more than 75% of the participants were rather positive or very positive in their views that there should be more cooperation between elementary school teachers in the same district.
    Eight individuals from the elementary schools in Reykjanesbær were interviewed, two teachers, three department heads, one vice principal and two principals. The conclusions after coding the interviews gave a deeper understanding of their perspective on cooperation between schools in the same district and their teachers. The results from the interviews mirrored the results from the questionnaire regarding cooperation, giving more detailed reasoning behind their opinions. The interviews were able to illustrate the relationship that exists between the schools and the school district office, as well as how cooperation is influenced because of that relationship.
    The primary conclusions were that a majority of the teachers and administrators had a positive attitude towards cooperation and distribution of teaching materials among schools in the same district. Survey participants considered cooperation between teachers as important, 98% of them considered it very or rather important. More than 62% of participants very or somewhat agreed that school curriculum should be aligned between schools in the same district. Interview participants were in agreement but cautioned that that kind of alignment could diminish the individual characteristics of each school. Survey participants were more inclined to share teaching materials with co-workers than with teachers in other schools, 75% shared with co-workers often or sometimes but less than 10% did so with teachers from other schools.
    Keywords: Elementary schools, cooperation, curriculum alignment, sharing teaching materials, administrators.

Samþykkt: 
  • 15.6.2015
URI: 
  • http://hdl.handle.net/1946/22031


Skrár
Skráarnafn Stærð AðgangurLýsingSkráartegund 
Að finna upp hjólið.pdf2.66 MBOpinnHeildartextiPDFSkoða/Opna

Athugsemd: Útprentun og/eða afritun er óheimil nema með skriflegu leyfi höfundar. Verkið er verndað af ákvæðum höfundarlaga.