is Íslenska en English

Lokaverkefni (Meistara)

Háskóli Íslands > Heilbrigðisvísindasvið > Meistaraprófsritgerðir - Heilbrigðisvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/22043

Titill: 
  • Sjúklingamiðuð þjónusta fyrir nýgreinda krabbameinssjúklinga. Kerfisbundin fræðileg samantekt um áhrif og árangur hjúkrunarstýrðrar þjónustu
  • Titill er á ensku Patient-centered care for newly diagnosed cancer patients. A systematic review on the effectiveness and outcomes of nurse-led care
Námsstig: 
  • Meistara
Útdráttur: 
  • Greining krabbameins veldur truflun í lífi einstaklingsins og fjölskyldu hans og mun um þriðjungur þeirra sem greinast upplifa mikla vanlíðan. Á meðan krabbameinsgreindum fjölgar eru víða í heiminum brotalamir í þjónustu við krabbameinssjúklinga; skortur á samfelldri þjónustu, vangreining sálfélagslegra vandamála, viðeigandi meðferðir ekki veittar og mikill kostnaður. Víða hefur sjúklingamiðuð þjónusta verið innleidd til að bæta gæði og árangur þjónustunnar. Mismunandi þjónustuform sem hafa það markmið að veita sjúklingamiðaða þjónustu hafa verið þróuð. Hjúkrunarfræðingar eru oft lykilaðilar og fylgja sjúklingunum og fjölskyldum þeirra eftir frá greiningu og í gegnum allt sjúkdómsferlið. Slík hjúkrunarþjónusta ber mismunandi heiti en síðustu ár hefur leiðsögn veitt af hjúkrunarfræðingi (e. nurse navigation) verið að ryðja sér til rúms.
    Tilgangur þessarar kerfisbundnu fræðilegu samantektar var að draga saman þekkingu um árangur og áhrif sjúklingamiðaðrar og hjúkrunarstýrðrar þjónustu fyrir nýgreinda fullorðna krabbameins-sjúklinga með það að markmiði að leggja grunn að slíkri þjónustu á Landspítala og að frekari rannsóknum á slíkum íhlutunum.
    Leitað var að rannsóknargreinum á ensku og íslensku í gagnagrunnunum PubMed, Cinahl, Scopus, Web of Science, PsycInfo, Google Scholar og hvar.is, fyrst að slembiröðuðum íhlutunar-rannsóknum en svo að hálfstöðluðum tilraunarannsóknum, í báðum tilvikum á fullorðnum, þar sem hjúkrunarfræðingur var lykilaðili. Tólf rannsóknir fundust; sjö frá Bandaríkjunum og ein frá hverju eftirtalinna landa: Bretlandi, Kanada, Taiwan, Ástralíu og Kóreu. Níu rannsóknanna voru slembiraðaðar og þrjár hálfstaðlaðar. Íhlutunin var leiðsögn veitt af hjúkrunarfræðingi (4), umsjónarhjúkrun (e. nurse case mangement) (2) og þjónusta veitt af sérfræðingi í hjúkrun (5) eða krabbameinshjúkrunarfræðingi sem stuðlar að samræmingu í þjónustu (e. cancer nurse care coordinator) (1). Í öllum tilfellum var sjúklingunum fylgt eftir frá greiningu, allt frá fjórum vikum upp í tvö ár. Gæði rannsóknanna voru metin samkvæmt aðferð Whittemore og reyndust tíu greinar vera af góðum gæðum og tvær meðalgóðum.
    Niðurstöður þeirra rannsókna sem gerðar hafa verið benda til þess að mismunandi form sjúklingamiðaðrar hjúkrunarþjónustu geti aukið ánægju með þjónustu, bætt lífsgæði, bætt sálræna líðan, minnkað óvissu og fækkað vandamálum sem tengjast sjúkdómnum og meðferðum við honum.
    Þörf er á íhlutunarrannsóknum til að meta árangur innleiðinga á sjúklingamiðaðri hjúkrunarþjónustu fyrir nýgreinda fullorðna krabbameinssjúklinga.
    Lykilorð: Patient navigation, nurse navigation, professional navigation, patient-centered care, cancer, oncology, neoplasm, oncology nurse, case manager, care coordination, continuity of care, pivot nurse, advanced practice nurse, clinical nurse specialist, nurse-led, intervention og program.

  • Útdráttur er á ensku

    The diagnosis of cancer causes disruption in people’s and their families’ lives and one-third report high level of distress. Incidence of cancer is rising but even so there are shortcomings in care, including lack of continuity, under-diagnosis of psychosocial problems, appropriate treatments not being delivered and increasing costs. Many countries have worked on improving coordination and the overall quality of care by implementing patient-centered care. Many different models of care, with the aim of delivering patient-centered care, have been developed. Nurses often play a key role and serve as navigators for both patients and their families from diagnosis throughout the cancer trajectory. This form of nursing care for cancer patients has been given several names but in recent years “nurse navigation” has been the most prominent term.
    The purpose of this systematic review was to summarize the existing evidence about the effectiveness and outcomes of patient-centered nurse-led care for newly diagnosed adult cancer patients, with the goal of establishing such a program of care at Landspitali University Hospital and to build a platform for research on such an intervention.
    Studies on the subject in English and in Icelandic were searched for in the PubMed, Cinahl, Scopus, Web of Science, PsycInfo, Google Scholar and hvar.is databases, firstly for randomized controlled trials and secondly for quasi experiments, limited to adults in both cases, with the nurse as a key person. Twelve studies were found, seven from the USA and one from each of the UK, Canada, Taiwan, Australia and Korea. Nine of the studies were RCT´s and three were non-randomized. The interventions were nurse navigation (4), nurse case management (2) and care delivered by advanced practice nurse/clinical nurse specialist (5) or cancer nurse care coordinator (1). In all cases the intervention started at diagnosis and was continued for four weeks up to two years. The quality of the studies was evaluated according to Whittemore´s method. Ten studies were of high quality and two of moderate quality.
    The results of the cited studies suggest that different models of patient-centered nursing care can increase patient satisfaction and quality of life, decrease uncertainty, improve mood and reduce cancer-related problems.
    There is an urgent need for further research to assess the effectiveness of the intervention of patient-centered nurse-led care programs for newly diagnosed adult cancer patients.
    Keywords: patient navigation, nurse navigation, professional navigation, patient-centered care, cancer, oncology, neoplasm, oncology nurse, case manager, care coordination, continuity of care, pivot nurse, advanced practice nurse, clinical nurse specialist, nurse-led, intervention og program.

Samþykkt: 
  • 15.6.2015
URI: 
  • http://hdl.handle.net/1946/22043


Skrár
Skráarnafn Stærð AðgangurLýsingSkráartegund 
Kristín Sigurðardóttir MS 2015.pdf684.49 kBOpinnHeildartextiPDFSkoða/Opna