is Íslenska en English

Lokaverkefni (Bakkalár)

Háskólinn á Bifröst > Viðskiptadeild > Lokaverkefni í viðskiptadeild (BS) >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/22063

Titill: 
  • Vöxtur Frjálsa lífeyrissjóðsins og góður árangur
  • Titill er á ensku The Growth and Success of Frjálsi Pension Fund
Námsstig: 
  • Bakkalár
Útdráttur: 
  • Íslendingar búa við gott lífeyriskerfi. Íslenskir lífeyrissjóðir hafa staðið af sér storma og áföll í kjölfar efnahagshruns Ísland og eru framtíðarhorfur sjóðanna góðar. Velgengni og jákvæð stærðarþróun Frjálsa lífeyrissjóðsins frá árinu 2001 er athyglisverð en sjóðurinn hefur stækkað þrefalt á við íslenska lífeyriskerfið í heild. Sjóðurinn hefur hlotið fjölda viðurkenninga meðal annars fyrir góða ávöxtun og fagleg vinnubrögð.
    Markmið þessa verkefnis er að greina þá þætti sem stuðlað hafa að góðum árangri Frjálsa lífeyrissjóðsins, greina helstu vaxtabrodda hans og kanna viðhorf sjóðfélaga til sjóðsins. Niðurstöður eru fengnar með megindlegri rannsókn þar sem tölulegar upplýsingar úr ársreikningum sjóðsins voru greindar. Auk þess var framkvæmd eigindleg rannsókn með hálfstöðluðu viðtali við framkvæmdastjóra sjóðsins. Þá var notast við gögn úr viðhorfskönnun Capacent. Rannsóknarspurningin er eftirfarandi:
    Hvað hefur mögulega valdið góðum árangri og þrefaldri stækkun Frjálsa lífeyrissjóðsins á við stækkun íslenska lífeyriskerfisins?
    Niðurstaða rannsóknar við greiningu á myndun hreinnar eignar sjóðsins til greiðslu lífeyris leiddi í ljós að fjárfestingatekjur eiga stóran þátt í vexti sjóðsins eða um 50%. Innborguð iðgjöld mynda 34% eignarinnar og sameining við aðra sjóði um 10%. Eignastýring Frjálsa lífeyrissjóðsins er úthýst til Arion banka og er það sjóðnum til farsældar þar sem hann nýtur góðs af framúrskarandi eigna- og áhættustýringu bankans. Uppbygging sjóðsins veitir honum sérstöðu þar sem ráðstafa má hluta af skylduiðgjaldi í séreignarsjóð og hefur það ýtt undir vinsældir hans. Viðhorfskannanir hafa sýnt að sjóðfélagar eru upp til hópa ánægðir með sjóðinn og skorar Frjálsi lífeyrissjóðurinn hærra en meðaltal annarra sjóða í öllum liðum sem snéru að viðhorfi sjóðfélaga. Sjóðurinn leggur mikla áherslu gagnsæi og upplýsingagjöf til að viðhalda trausti sjóðfélaga.

Samþykkt: 
  • 15.6.2015
URI: 
  • http://hdl.handle.net/1946/22063


Skrár
Skráarnafn Stærð AðgangurLýsingSkráartegund 
SigurbjorgHjalmarsdottir_BS_lokaverk.pdf1.51 MBOpinnHeildartextiPDFSkoða/Opna
Efnisyfirlit-Skemman.pdf442.08 kBOpinnEfnisyfirlitPDFSkoða/Opna

Athugsemd: Ritgerðin er lokuð að ósk höfundar. Hafa þarf samband við höfund til að nálgast efni ritgerðarinnar. Verkið er verndað af ákvæðum höfundarlaga.