Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/22192
Mál og málefni er snerta sjálfbærni Íslendinga eru mikilvæg. Hér er horft til þess hvort Íslendingar geti minnkað vistspor sitt í byggingariðnaði og reynt verður að svara spurningunni; Er hægt að minnka vistspor Íslendinga í byggingariðnaði?
Æskilegt er að stuðla að meiri sjálfbærni á Íslandi, með því að nýta staðbundin hráefni og vinna þau í byggingarefni sem notuð eru í nálægð við byggingarstað þar sem vegalengdir eru ekki langar á Íslandi.
Meirihluti alls byggingarefnis á Íslandi er innflutt og gríðarlegt magn af óendurnýjanlegri orku (olíu) fer í flutning byggingarefnis hingað til lands hvort sem það eru flutningar á sjó eða lofti.
Fjallað er um opinberar stefnur um umhverfisáhrif, nýtingu á íslenskum efnum til byggingariðnaðar, hvað er til og hvað væri mögulega hægt að framleiða hér á landi.
Fjallað verður um nokkur íslensk framleiðslufyrirtæki sem framleiða byggingarefni úr staðbundnu hráefni og einnig er fjallað um möguleikana á framleiðslu sem nú þegar hafa verið gerðar prufanir á. Ný efni eru að koma til sögunnar t.d. koltrefjar og basalttrefjar, munu þau leysa stálið af hólmi?
Lykilorð: vistvæni, vistspor
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Hakon BA lokaskil.pdf | 334.85 kB | Opinn | Heildartexti | Skoða/Opna |