is Íslenska en English

Lokaverkefni (Meistara)

Háskólinn í Reykjavík > Samfélagssvið / School of Social Sciences > MSc Viðskiptadeild (og Klínísk sálfræði -2019) / Department of Business Administration >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/22594

Titill: 
  • Að vinna S&P 500 : goðsögn eða gamalkunn tæknigreining?
Námsstig: 
  • Meistara
Leiðbeinandi: 
Útdráttur: 
  • Ritgerðin er samin í tveimur þáttum. Í fyrri hluta er leitast við að skýra í ljósi sögunnar hvernig helstu aðferðir og hugsun við fjárfestingu urðu til og mótuðust í tímans rás á Wall Street. Um og eftir aldamótin 1900 var í augum starfandi fjárfesta eðlilegt og sjálfsagt að beita grunngreiningu við mat á fyrirtækjum, greinum og efnahagsástandi. En um verð og veltu frá kauphöllinni var lesið af strimli til að tímasetja kaup og sölu í verslun með hlutabréf. Um miðja öldina urðu straumhvörf með tölfræðilegum og stærðfræðilegum líkönum sem sett voru fram til að lýsa framvindu og mótun verðs á hlutabréfamarkaði. Þau hvíldu á forsendum sem tóku mið af þörfum aðferðanna en voru frá upphafi umdeildar á markaðnum. Leiðir skildu á milli fjárfesta sem fylgdu markaðsgreiningu og þeirra sem hægt og hægt tóku upp grunngreiningu Benjamins Graham og stærðfræði- og tölfræðilíkön nýklassíska skólans. Með byltingu í upplýsingatækni eftir 1980 tóku þessir tveir helstu skólar í eignastýringu og fjárfestingu að renna saman á nýjan leik. Tölur um rekstur og efnahag fyrirtækja ráða vali á hlutabréfum en kaup og sala eru tímasett með markaðsgreiningu á verði og veltu.
    Í síðari hluta er tekist á við rannsóknarspurninguna sjálfa sem er hvort hægt sé að beita tæknigreiningu til að ná betri árangri en S&P 500 vísitalan. Farnar eru tvær leiðir innan tæknigreiningar sem báðar eru gamalgrónar. Önnur notar aðeins hlaupandi meðaltöl hlutabréfaverðs og afleiður þeirra en hin styðst við hlutfallslegan styrk (e. Relative Strength) sem er ein fyrstu aðferða við greiningu og val á verðbréfum á Wall Street. Grunngreining á ekki stóran þátt en það er vegna þess að markaðssafnið sjálft er þungamiðjan og ekki reynir á val á hlutabréfum einstakra fyrirtækja. Rannsóknin er unninn eftir mánaðarlegum gögnum yfir 143 ár (1716 mánuði) frá 1871 til 2014. Til að styrkja niðurstöður eru sömu prófanir unnar eftir vikulegum gögnum yfir 34 ár frá 1980 til 2014 og daglegum gögnum yfir 12 ár frá 2002 til 2014. Svör eru yfirleitt jákvæð á þann veg að hægt sé að beita tímasetningu markaðsins til að verja eignir þegar kemur að verðfalli á markaði. Er þá tekið tillit til áhættu sem er mæld jafnt sem flökt í ávöxtun (staðalfrávik) eða sem mesta verðfall frá síðasta hágildi.

Samþykkt: 
  • 27.8.2015
URI: 
  • http://hdl.handle.net/1946/22594


Skrár
Skráarnafn Stærð AðgangurLýsingSkráartegund 
MSIM0615_Thesis_Svandis_Rikardsdottir_AdvinnaS&P500_Godsognedagamalkunntaeknigreining.pdf2.28 MBOpinnHeildartextiPDFSkoða/Opna