is Íslenska en English

Lokaverkefni (Bakkalár)

Háskólinn í Reykjavík > Samfélagssvið / School of Social Sciences > BSc Viðskiptadeild (og BSc sálfræði -2019) / Department of Business Administration >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/22603

Titill: 
  • Langir dagar og lág framleiðni - Hagræn greining á íslenskum vinnumarkaði
Námsstig: 
  • Bakkalár
Leiðbeinandi: 
Útdráttur: 
  • Markmið ritgerðarinnar er að komast að því hvaða þættir valda háum fjölda vinnustunda á íslenskum vinnumarkaði. Mikil hefð er fyrir löngum vinnudögum hér á landi og er saga vinnumarkaðarins á Íslandi rakin. Sýnt er hvernig hár fjöldi vinnustunda hefur fylgt Íslendingum allt frá upphafi tuttugustu aldar þegar sérhæfing og verkaskipting tók við af sjálfsþurftabúskap bændasamfélagsins. Framkvæmdur er alþjóðlegur samanburður á hagstærðum til að varpa ljósi á stöðu Íslands í samhengi við helstu viðskipta- og nágrannaþjóðir. Ritgerðin inniheldur meðal annars ítarlega umfjöllun um verga landsframleiðslu, framleiðni og hvernig hagstærðir hafa áhrif á velferð og lífsgæði. Þá er enn fremur framkvæmd úttekt á vinnumarkaði og leitað leiða til að varpa ljósi á þau hagrænu öfl er ráða ferðinni á framboðs- og eftirspurnarhlið vinnumarkaðsins.
    Umfjöllun um hagstærðir og vinnumarkaðinn skapa grunn fyrir megindlega rannsókn ritgerðarinnar. Sett er fram líkan sem byggir á þjóðhagslegu framleiðslufalli og er það aðlagað að samhengi ritgerðarinnar. Með gagnasöfnun og síðan útreikningum á breytum framleiðslufallsins sýnir líkanið stöðu Íslands miðað við samanburðarlönd. Niðurstöðurnar koma ekki á óvart, íslenskt vinnuafl reynir að bæta upp lága heildarþáttaframleiðni með fleiri vinnustundum. Margir þættir geta orsakað lága heildarþáttaframleiðni, þar hafa áhrif opinber stefnumörkun og innviðir landa, óhagræði stærðar, menntun, samkeppni og umfang utanríkisviðskipta. Að lokinni rannsókn eru þeir þættir sem ívilna eða aftra heildarþáttaframleiðni teknir til nánari skoðunar.

Samþykkt: 
  • 31.8.2015
URI: 
  • http://hdl.handle.net/1946/22603


Skrár
Skráarnafn Stærð AðgangurLýsingSkráartegund 
Langir dagar og lág framleiðni - Hagræn greining á íslenskum vinnumarkaði.pdf1.05 MBOpinnHeildartextiPDFSkoða/Opna