is Íslenska en English

Lokaverkefni (Bakkalár)

Háskólinn í Reykjavík > Samfélagssvið / School of Social Sciences > BSc Viðskiptadeild (og BSc sálfræði -2019) / Department of Business Administration >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/22640

Titill: 
  • Lögbundin útskipti og útboð á endurskoðunarþjónustu
Námsstig: 
  • Bakkalár
Útdráttur: 
  • Þessari ritgerð er ætlað að skoða hvernig lögbundin útskipti endurskoðunarfyrirtækja snúa að einingum tengdum almannahagsmunum með áherslu á hvort verið sé að nota útboð að undangengnu vali á nýju endurskoðunarfyrirtæki. Þó nokkur umræða hefur átt sér stað um útboð í endurskoðunarþjónustu á síðustu misserum. Hvað felur það í sér þegar fyrirtæki gefa endurskoðunarfyrirtækjum kost á að bjóða í verkefnið? Augljósa svarið gæti verið til þess að fá sem besta verðið en annað gæti verið að einingar sem tengdar eru almannahagsmunum vilji sýna samfélagslega ábyrgð, auka gagnsæi og velja hagkvæmasta tilboðið fyrir verkið. Skoðaðir verða þeir þættir sem horft er til þegar kemur að vali á nýju endurskoðunarfyrirtæki og má meðal annars nefna; gæði endurskoðunar, kostnað við endurskoðun, stærð endurskoðunarfyrirtækis, ímynd og orðspor. Einnig var kannað viðhorf til hámarks- og lágmarksráðningartíma endurskoðunarfyrirtækja.
    Rannsóknin byggir á megindlegum og eigindlegum aðferðum, annars vegar á spurningalista sem sendur var stjórnarmönnum sextán eininga tengdum almannahagsmunum og hins vegar viðtölum við tvo löggilta endurskoðendur.
    Helstu niðurstöður benda til þess að allflestar aðspurðar einingar styðjist við lokað útboð að undangengnu vali á nýju endurskoðunarfyrirtæki og 85% svarenda meta það svo að lögbundin útskipti endurskoðunarfyrirtækis eigi að vera til staðar hjá einingum tengdum almannahagsmunum. Skiptar skoðanir eru þó milli þátttakenda um árafjölda í lögbundinni útskiptingu og er dreifing nokkuð jöfn milli fimm, sjö og tíu ára sem hámarks ráðningartíma. Viðtöl við endurskoðendur leiddu í ljós að báðir töldu gagnlegt að nota útboð við val á endurskoðunarfyrirtæki og töldu ekki að notkun útboða væri ókostur ef rétt væri að þeim staðið. Þeir eru einnig sammála um að einingar tengdar almannahagsmunum eigi að hafa lögbundna útskiptingu, en hafa hvor sína skoðun varðandi árafjölda útskipta og nefna bæði fimm og tíu ár.

Samþykkt: 
  • 2.9.2015
URI: 
  • http://hdl.handle.net/1946/22640


Skrár
Skráarnafn Stærð AðgangurLýsingSkráartegund 
Ritgerð 15maí2015.pdf518.47 kBOpinnHeildartextiPDFSkoða/Opna