Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/22836
Matarvenjur Vesturlandabúa hafa breyst undanfarna áratugi með breyttu neyslumynstri. Með betra aðgengi að orkusnauðri og fljótlegri fæðu hafa sífellt fleiri einstaklingar þróað með sér lífsstílssjúkdóma vegna breyttra matarvenja. Þessir sjúkdómar eru ein helsta ástæða ýmissa heilsufarskvilla sem geta jafnvel leitt til dauðsfalla. Með bættu aðgengi að heilbrigðisþjónustu, fræðslu og heilsueflandi umhverfi er hægt að draga úr langvinnum sjúkdómum. Í þessari ritgerð verður farið í fræðslu í tengslum við matarvenjur. Þar sem slíkar venjur þróast mest fyrstu ár ævinnar þá eru börn lykilþátttakendur í mótun heilbrigðra matarvenja. Af því leiðir að það má velta því upp hvort og þá hvaða leiðir eru í boði til að styðja við heilbrigðar matarvenjur og hvaða áhrif þær hafa á börn og þeirra uppeldi.
Markmið höfundar er að rannsaka hvaða möguleikar eru til staðar í æsku til að stuðla að heilbrigðari lífsvenjum á fullorðinsárum. Þannig leitast hann við að finna leiðir til að stuðla að heilbrigðari matarvenjum í forvarnarskyni. Höfundur verkefnisins telur þetta viðfangsefni mikilvægt innlegg í umræðuna hér á landi í ljósi þeirra umfjöllunar sem hefur beinst að vaxandi vandamálum tengdum lífsstílssjúkdómum barna og fullorðinna auk umræðunnar um mikilvægi næringar fyrstu æviárin.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
BAverkefni_ingabirna_matarvenjur_tilbuid.pdf | 514.33 kB | Opinn | Heildartexti | Skoða/Opna |