Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/2300
Viðfangsefni þessarar heimildaritgerðar er að skoða lífskjör einstæðra mæðra og
algenga skýringaþætti sem taldir eru hafa áhrif á stöðu þeirra í dag. Fléttuð er saman
umfjöllun um fátækt, aukna atvinnuþátttöku kvenna, tekjuskiptingu og félagslegan
stuðning og með því leitast við að skoða hvernig þessir þættir tengjast lífskjörum
einstæðra mæðra í dag og meta hvort þær séu í meiri hættu en aðrir að geta ekki
uppfyllt lágmarksframfærsluþörf.
Gerð er grein fyrir mælikvörðum á tveimur ólíkum framfærsluviðmiðum og
skilgreiningum á fátækt því hægt er að nálgast viðfangsefnið út frá mismunandi
viðmiðum. Þá er fjallað um atvinnuþátttöku kvenna með hliðsjón af mikilvægum
samfélagslegum skýringarþáttum eins og aukinni menntun, lægri frjósemistíðni og
aukinni þjónustu á dagvistun fyrir börn sem hafa orðið þess valdandi að konur fóru í
ríkari mæli að geta séð fyrir séð sjálfar. Breytingar hafa orðið á síðastliðnum
áratugum á hjúskaparstöðu sem hefur orðið þess valdandi að einstæðum mæðrum
hefur fjölgað. Þrátt fyrir aukna atvinnuþátttöku kvenna eru konur samt sem áður í
meiri hluta þeirra sem mælast undir fátæktarmörkum. Ójöfnuður á tekjum milli karla
og kvenna ríkir enn og er því hjúskapastaða mikilvægur þáttur til skýringar á fátækt
barna. Leitast er við að skoða hvaða stuðning barnafjölskyldur eru að fá til
samanburðar við hinar nágrannaþjóðirnar og hvort hann sé að gagnast einstæðum
mæðrum nægilega vel.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
pdf_fixed.pdf | 518.47 kB | Lokaður | Heildartexti |