Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/2346
Ritgerðin fjallar um þróun íslensku stjórnarskrárinnar og 26. grein hennar í
sögulegu ljósi. Þjóðfélagið gengur nú í gegnum mikla umrótar tíma og hávær
umræða á sér stað varðandi marvísleg pólitísk álitaefni. Stjórnarskránni ber almennt
að geta staðið að sér brigðul stjórnmál en komið hefur á daginn að alþingismenn og
íslenska þjóðin séu á sama meiði og telji heildarendurskoðun stjórnarskrárinnar
löngu tímabæra. Aftur á móti hefur ekki náðst samstaða hingað til hvernig standa
skuli að þeim tillögum sem stjórnarskrárnefndir hafa lagt til og stranda
breytingarnar á þeirri ósamstöðu. Þrátt fyrir að 26. gr. stjskr. hafi verið umdeild til
fjölda ára má með sönnu segja að áhugi höfunda á ofangreindu ritgerðarefni hafi
aukist til muna í kjölfar þess að forseti Íslands Ólafur Ragnar Grímson synjaði
fjölmiðlafrumvarpinu staðfestingar. Er við hófum að skrifa ritgerðina var afstaða
okkar til 26. gr. ekki fyllilega skýr. Með því að rekja þróun stjórnarskrárinnar og þá
breytingu sem gerð var á 26. gr. með tilkomu lýðveldisstjórnarskrár Íslands
mótuðum við afstöðu okkar út frá sjónarmiðum lögfræðinnar. Farið verður ítarlega
yfir valdsvið forseta Íslands ásamt Alþingis til að greina í sundur verkskiptingu
handhafa ríkisvaldsins.
Megin niðurstöður ritgerðarinnar eru þær að embætti forseta Íslands er í reynd
valdalítið þrátt fyrir að lestri stjórnarskrárinnar virðist þau mikil. Með því að lesa
26. gr. eina og sér og skýra hana samkvæmt orðanna hljóðan telja höfundar forseta
Íslands fara með synjunarvald það sem fram kemur í greininni. Aftur á móti er það
annað mál að ósamræmi er á milli ákvæða í stjórnarskránni og brýn nauðsyn er til
þess að heildarendurskoðun eigi sér stað.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
_Lokaskjal_fixed-1.pdf | 1.13 MB | Opinn | Heildartexti | Skoða/Opna |