Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/23712
Fall íslensku viðskiptabankanna haustið 2008 er að mörgum álitinn einstæður viðburður í íslenskri sögu, enda nam ársvelta bankakerfisins margfaldri landsframleiðslu. Þá varð samhliða falli bankanna gengishrun. Hætt er við því að viðbrögð stjórnvalda verði ofsafengin þegar stóráföll dynja yfir sem eiga sér enga hliðstæðu.
Þvingunarúrræði fela í sér alvarlegt inngrip í líf borgaranna, en lögspekingar hafa nýlega haldið því fram að þeim sé mun meira beitt við rannsókn efnahagsbrota hér á landi en efni standi til. Hefur réttarríkið jafnvel beðið hnekki? Í ritgerðinni er leitað svara við þeirri spurningu og þá horft til skilgreininga á réttarríki, en flestir fræðimenn sem skilgreint hafa réttarríki gera virka vernd mannréttinda að hugtaksskilyrði þess.
Í fyrri hluta ritgerðarinnar er notkun þvingunarúrræða við meðferð efnahagsbrota skoðuð með hliðsjón af nýlegum dómum Mannréttindadómstóls Evrópu og í síðari hlutanum er horft til ábyrgðar á réttarríkinu í þessu sambandi.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Hefur réttarríkið beðið hnekki - lokaritgerð.pdf | 750.15 kB | Opinn | Heildartexti | Skoða/Opna |