Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/2390
Í eftirfarandi lokaverkefni er leitast við að varpa ljósi á hvernig fjölskyldur á Íslandi og Spáni hafa gengið í gegnum breytingar undanfarna áratugi. Breytingarnar eru ýmist túlkaðar sem böl eða bót og greinir fræðimenn á um í hverju þær felast. Fjallað verður um stöðu fjölskyldunnar á Íslandi og Spáni, trúarbrögð þeirra og fjölskyldugildi. Sterk fjölskyldugildi virðast vera á undanhaldi á Spáni en skilnuðum hefur fjölgað á undanförnum árum, sérstaklega í kjölfar nýrrar skilnaðarlöggjafar sem tók gildi árið 2005. Hefur þessi þróun farið fyrir brjóstið á kaþólsku kirkjunni. Á Íslandi hefur atvinnuþátttaka kvenna aukist stöðugt en bæði kynin vinna langan vinnudag. Íslensk börn eyða löngum stundum í dagvistun og hafa ýmsir, meðal annars kirkjunnar menn, áhyggjur af því að fjölskyldan fái ekki nægar stundir til samvista. Helstu niðurstöður eru þær að löndin hafa farið ólíkar leiðir í fjölskyldumálum sínum sem eru óneitanlega breytt frá því sem áður var. Margt svipar þó með löndunum eins og frjálslyndi í löggjöf samkynhneigðra og skoðanir til kynhlutverka.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
BA_2009_fixed.pdf | 653.97 kB | Opinn | Heildartexti | Skoða/Opna |