ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Félagsvísindasvið>Meistaraprófsritgerðir>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/2398

Titill

Óbein mismunun á grundvelli persónulegra einkenna. Réttarstaðan í Evrópurétti og íslenskum rétti

Útdráttur

Í örstuttu máli þá er ætlunin með ritsmíð þessari að rannsaka réttarstöðuna í Evrópurétti og íslenskum rétti þegar kemur að óbeinni mismunun á grundvelli persónulegra einkenna. Notast er við hefðbundna aðferðarfræði við lögfræðirannsóknir, þ.e. dregnar eru ályktanir út frá dóma- og úrskurðarframkvæmd ásamt því sem skrif og skoðanir fræðimanna eru flett inn eftir því sem við á.
Í kjölfar inngangsorða er farið ýtarlega ofan í það svið sem ritgerðin fjallar um. Gerð er grein fyrir ýmsum lykilhugtökum tengdum jafnréttis- og mismununarhugtökunum. Farið er djúpt ofan í það hvernig lög og reglur á sviði jafnréttismála hafa þróast í Evrópurétti og íslenskum rétti, ásamt því að gerð er í stuttu máli grein fyrir helstu alþjóðasamningum sem banna mismunun, en margir þeirra hafa túlkunaráhrif á bæði Evrópurétt og íslenskan rétt.
Því næst er þróun og uppruna hugtaksins um óbeina mismunun lýst. Farið er yfir hvernig hugtakið hefur í Evrópurétti farið frá meginreglu sem varð til með dómaframkvæmd, yfir í fastmótað og nokkuð vel skilgreint hugtak sem er bundið í afleidda löggjöf. Eins er fjallað um nokkur þekkt hugtök í Evrópuréttinum og tengsl og aðgreiningu þeirra frá hugtakinu um óbeina mismunun.
Þar eftir er dómaframkvæmd EB-dómstólsins krufin eins mikið og mögulegt er, en kaflinn er sá stærsti í ritgerðinni. Umfjölluninni er skipt upp eftir mismununargrundvöllum, og gerð er ýtarlega grein fyrir þeim meginreglum og fordæmum sem myndast hafa í dómaframkvæmd EB-dómstólsins. Eins er farið með nákvæmum hætti yfir hlutlægar réttlætingarástæður hvað varðar óbeina mismunun.
Fjallað er því næst um hvernig hugtakið hefur komið fyrir í íslenskum rétti og reynt að skýra út núverandi réttarstöðu. Til að setja umfjöllunina í betra samhengi er kafað djúpt í dóma- og úrskurðarframkvæmd, sem þó er mjög fátækleg, og er meðal annars fjallað um tengsl tveggja frægra dóma Hæstaréttar við hugtakið um óbeina mismunun.
Að öllu þessu loknu eru dregnar ályktanir og gerð grein fyrir helstu niðurstöðum sem komu í ljós úr uppgefnum markmiðum og rannsóknarspurningum í byrjun ritgerðarinnar. Réttarstaðan í Evrópurétti er borin saman við þá íslensku og lokahnykkurinn er svo tekinn með ályktunum og vangaveltum höfundar um efnið.

Birting
4.5.2009


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
pd_fixed.pdf1,58MBOpinn Heildartexti PDF Skoða/Opna