Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/24508
Þegar fyrirtæki er leitt af stjórnendum á siðferðislega réttmætan hátt, munu starfsmenn þess fylgja sama fordæmi. Starfsmenn taka betri ákvarðanir á styttri tíma ef þeir hafa siðferðisreglur til að styðja sig við. Þetta eykur framleiðni og bætir almennan starfsanda í fyrirtækinu. Ákvarðanir sem teknar eru í fyrirtækjum geta bæði verið teknar af einstaklingum sem og teymum, en víst er að ákvarðanirnar eru undir áhrifum af fyrirtækjamenningunni sem er til staðar í fyrirtækinu. Með fyrirtækjamenningu er átt við þau gildi og hegðun sem eiga sér stað á vinnustað og skilgreinir hvernig starfsmenn eiga samskipti hvor við annan. Fyrirtækjamenning á það til að vera frekar gefin í skyn heldur en skilgreind og þróast í gegnum tímann eftir því hverjir eru ráðnir inn í fyrirtækið og hverjir skilja við það. Hægt er að skipta fyrirtækjamenningu niður í flokka en til eru mörg mismunandi flokkunarkerfi sem flokka eftir mismunandi áhrifaþáttum.
Markmið rannsóknarinnar var að skoða hver tengslin væru á milli siðferðis og tveggja ákveðinna flokkunnarkerfa fyrirtækjamenningar. Flokkunarkerfin sem voru til skoðunar eru eftir Charles Handy, annars vegar og Deal og Kennedy, hins vegar. Gerð var megindleg rannsókn sem var í formi rafrænnar spurningakönnunar og var henni dreift á samfélagsmiðlinum Facebook.
Tengsl voru skoðuð í hvoru flokkunarkerfi fyrir sig og síðar borin saman. Niðurstöður þessarar rannsóknar sýndu fram á að veik tengsl væru á milli siðferðis og áðurnefndra flokkunarkerfa fyrirtækjamenningar. Tengslin í flokkunarkerfi Handy voru þó eilítið sterkari en þau í flokkunarkerfi Deal og Kennedy. Þegar tengslin eru svona veik er ekki hægt að ætla að samskonar siðferðiskennd sé til staðar í fyrirtækjum sem flokkuð eru í sama flokk fyrirtækjamenningar.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Lokaskjal.pdf | 598.46 kB | Opinn | Heildartexti | Skoða/Opna |