is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/24520

Titill: 
  • Starfsánægja starfsfólks þriggja starfsstöðva Heilsugæslu höfuðborgarsvæðisins, í kjölfar skipulagsbreytinga
Námsstig: 
  • Bakkalár
Útdráttur: 
  • Markmið rannsóknarinnar var að kanna starfsánægju starfsfólks þriggja starfsstöðva Heilsugæslu höfuðborgarsvæðisins eins og staðan er í dag, í kjölfar skipulagsbreytinga. Í þeim tilgangi að stjórnendur heilsugæslunnar geti nýtt sér niðurstöðurnar og brugðist við ef þörf er á. Starfsánægja var skoðuð út frá þátttakendum sem ein heild og einnig út frá einstökum starfsstöðvum, starfsaldri og starfshlutfalli. Þátttakendur voru starfsfólk þriggja starfsstöðva Heilsugæslu höfuðborgarsvæðisins, Glæsibæ, Grafarvogi og Mjódd. Notast var við megindlega aðferðafræði og var spurningalisti sendur á 92 starfsmenn og voru alls 52 sem svöruðu eða 57% svarhlutfall. Þegar horft er á starfsánægju út frá þátttakendum sem ein heild má sjá að niðurstöður benda til þess að á heildina litið séu starfsmenn yfirleitt ánægðir, heildaránægja var því mikil. Þó eru ýmsir þættir sem gera má ráð fyrir að þörf sé á að betrumbæta. Þá sérstaklega varðandi launakjör, upplýsingamiðlun og samráð auk þátta varðandi stjórnun. Niðurstöður benda til þess að munur sé á starfsánægju eftir starfsstöðvum. Samkvæmt meðaltölunum er ánægjan mest í Mjódd. Meðaltölin gera okkur kleift að draga þá ályktun að heildaránægja starfsfólks sé nokkuð mikil á starfsstöðvunum þremur. Samt sem áður gefa meðaltölin til kynna þegar horft er á einstaka þætti að þörf sé á að betrumbæta ýmsa þætti, þá sérstaklega í Glæsibæ og Grafarvogi. Ekki var hægt að greina eins mikinn mun á starfsánægju eftir starfsaldri. Munurinn var þá aðallega á þáttum sem tengdust stjórnun en þá voru þeir sem starfað höfðu í núll til fimm ár ánægðari en þeir sem höfðu starfað lengur. Munur á starfsánægju eftir starfshlutfalli var mismunandi eftir því hvaða þætti var spurt um. Þeir sem voru í hlutastarfi voru ánægðari með þætti í flokknum starfsánægja en þeir sem gegndu fullu starfi voru ánægðari með þætti tengda stjórnun.

Samþykkt: 
  • 11.5.2016
URI: 
  • http://hdl.handle.net/1946/24520


Skrár
Skráarnafn Stærð AðgangurLýsingSkráartegund 
Starfsánægja starfsfólks þriggja starfsstöðva Heilsugælsu höfuðborgarsvæðisins, í kjölfar skipulagsbreytinga.pdf1.46 MBOpinnHeildartextiPDFSkoða/Opna