Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/24533
Ritgerð þessi er viðskipta- og markaðsáætlun fyrir stofnun kaffihúss og ísbúðar. Staðurinn hefur þá sérstöðu að allt vöruúrval sem boðið verður upp á verður laktósafrítt. Fram til þessa hefur slík starfsemi ekki verið starfandi á Íslandi eða annars staðar í heiminum svo vitað sé til og því um afar spennandi verkefni að ræða.
Í byrjun verður farið nokkuð ítarlega í lýsingu á því hvað viðskipta- og markaðsáætlanir eru út frá fræðilegu sjónarhorni. Því næst verður farið ítarlega í lýsingu á viðskiptahugmyndinni og fyrirtækinu, sem og vöruúrvalinu sem í boði verður. SVÓT greining verður framkvæmd þar sem verður farið yfir styrkleika og veikleika, ógnanir og tækifæri við stofnun fyrirtækisins annars vegar og þess vöruúrvals sem verður í boði hins vegar. Þá verður gerð ítarleg markaðsgreining þar sem farið verður yfir markaðinn sjálfan, þörf viðskiptavina, hugsanlega samkeppnisaðila og staðkvæmdarvörur. Farið verður í áætlaðar markaðsaðgerðir, rekstrarform og skipulag fyrirtækisins og hverjir helstu birgjar verði. Í lokin verða gerðar helstu fjárhags- og rekstraráætlanir auk þess sem framkvæmd er næmnigreining og niðurstöður hennar settar fram á köngulóar- og hvirfilgrafi. Þá verður einnig fjallað um framtíðaráætlanir stofnenda.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Lokaeintak tilb. í pdf fyrir Skemmu.pdf | 1.45 MB | Lokaður til...12.05.2036 | Heildartexti |