Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/24578
Markmiðið með ritgerðinni er að greina markaðs- og rekstrarumhverfi fyrirtækisins Uppvís ehf. með tilliti til nýrrar vöru fyrirtækisins, rafrænnar akstursdagbókar. Tilgangur slíkrar vinnu er að þróa og leggja fram nothæfa, stefnumiðaða markaðsáætlun sem er hagnýt fyrir fyrirtækið. Ritgerðin byggir á eigindlegri rannsóknaraðferð en gagna var aflað í formi þriggja viðtala á tímabilinu 25. janúar til 11. apríl. Viðtölin voru tekin við verkefnastjóra rafrænu akstursdagbókarinnar. Í fræðilega hluta ritgerðar er gerð grein fyrir markaðsáætlunarferli Marian Burk Wood eins og hún leggur það fram í bók sinni Essential guide to marketing planning og því ferli fylgt í megindráttum við gerð stefnumiðaðrar markaðsáætlunar fyrir rafrænu akstursdagbókina. PESTEL, SVÓT og VRIO eru dæmi um greiningartól sem notuð voru við gerð á markaðsáætluninni ásamt því að vaxtarlíkan Ansoff er skoðað. Gerð er grein fyrir því reglugerðarumhverfi sem umlykur skráningu akstursdagbókarinnar og þeim takmörkunum og tækifærum sem felast í starfseminni. Helstu niðurstöður höfundar felast í stefnumiðaðri markaðsáætlun sem finna má í seinni hluta ritgerðar og með notkun hennar færist fyrirtækið nær markmiðum sínum.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Stefnumiðuð markaðsáætlun fyrir rafræna akstursdagbók-lokaskjal xx.pdf | 1.02 MB | Opinn | Heildartexti | Skoða/Opna |