Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/24579
Rannsókn þessi snýr að kostnaðarhlið í starfi verkefnastjórans. Starf verkefnastjórans getur verið ansi fjölbreytt og er umsýsla kostnaðar stór þáttur af hans starfi. Markmiðið með rannsókninni var að skoða hvernig utanumhaldi með kostnaði í verkefnum sé hagað hjá fyrirtækjum og hvort nauðsynlegt sé fyrir verkefnastjóra að hafa góða kostnaðarvitund. Rannsóknaraðferðin sem beitt var er eigindleg og tekin voru viðtöl við þrjá starfandi verkefnastjóra. Niðurstöðurnar benda til þess að mikilvægt sé að verkefnastjóri sé starfi sínu vaxinn og að nauðsynlegt sé fyrir verkefnastjóra að hafa góða kostnaðarvitund. Utanumhald kostnaðar er mismunandi eftir atvinnugeirum og fyrirtækjum og hefur fjármálastjóri mismunandi hlutverk þegar kemur að utanumhaldi kostnaðar en aðkoma hans er ýmist á meðan á verkefni stendur eða eftir að verkefni hafa verið unnin.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Starf verkefnastjórans. Kostnaðarvitund og utanumhald kostnaðar.pdf | 770.41 kB | Opinn | Heildartexti | Skoða/Opna |