ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Félagsvísindasvið>Meistaraprófsritgerðir>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/2488

Titill

Jafnræðisregla 26. gr. Alþjóðasamnings Sameinuðu Þjóðanna um borgaraleg og stjórnmálaleg réttindi. Gildissvið, inntak og beiting

Útdráttur

Meginumfjöllunarefni ritgerðarinnar er beiting Mannréttindanefndar Sameinuðu þjóðanna á jafnræðisreglu 26. gr. Alþjóðasamnings Sameinuðu þjóðanna um borgaraleg og stjórnmálaleg réttindi, sem mælir fyrir um rétt einstaklinga til jafnræðis fyrir lögunum, jafna lagavernd og bann við mismunun. Mannréttindanefndinni var komið á fót með 28. gr. samningsins og er ætlað að hafa eftirlit með framkvæmd hans innan aðildarríkja, en alls hafa yfir þrír fjórðu af öllum ríkjum heims skuldbundið sig að þjóðarétti til þess að veita einstaklingum innan lögsögu sinnar þá vernd og þau réttindi sem samningurinn mælir fyrir um. Eitt af eftirlitshluverkum nefndarinnar felst í heimild hennar til að taka við kærum frá einstaklingum innan aðildarríkja, sem telja að aðildarríki hafi brotið á þeim réttindum sem þeim eru færð með samningnum. Á annað hundrað ríki hafa viðurkennt hæfni nefndarinnar til að taka við slíkum kærum.
Til að byrja með er viðfangsefni ritgerðarinnar nálgast með almennum hætti. Gerð er grein fyrir efni og uppbyggingu samningsins og þá er fjallað um nefndina og helstu störf hennar. Fjallað er um skilyrði þess að nefndin taki kæru til efnislegrar umfjöllunar og ennfremur um skuldbindingargildi álita nefndarinnar. Að því loknu hefst eiginleg umfjöllun jafnræðisreglu 26. gr. Er efnislegu inntaki ákvæðisins lýst og gerð er grein fyrir stefnumarkandi niðurstöðum um gildissvið þess, en 26. gr. hefur verið talin fela í sér sjálfstæða og víðtæka jafnræðisreglu. Fjallað er um þær neikvæðu og jákvæðu skyldur sem leiðir af reglu 26. gr. um jafna lagavernd, þó einkum hina neikvæðu skyldu um bann við mismunun. Fjallað er um álit nefndarinnar sem varða meinta ólögmæta mismunun á grundvelli tiltekinna ástæðna. Í 4. kafla gefur að finna umfjöllun um beitingu 26. gr. í framkvæmd nefndarinnar, en slík umfjöllun er lykilatriði til þess að skilja megi inntak jafnræðisreglunnar til hlítar. Er kaflinn þungamiðja ritgerðarinnar og er þar farið um víðan völl í umfjöllun um þær aðferðir sem Mannréttindanefndin hefur beitt, og þann mælikvarða sem hún hefur stuðst við, þegar metið er hvort mismunun sé lögmæt, eða hvort mismunun sé ólögmæt og leiði til brots á jafnræðisreglu 26. gr. samningsins.

Birting
6.5.2009


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
FINALPDF_fixed.pdf854KBOpinn Heildartexti PDF Skoða/Opna