ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Félagsvísindasvið>Meistaraprófsritgerðir>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/2516

Titill

Bankaleynd

Útdráttur

Í ritgerðinni er fjallað um bankaleynd frá ýmsum hliðum og vikið að þeim reglum sem gilda um bankaleynd í mismunandi löndum. Bankaleynd byggist á trúnaðar- og þagnarskyldu starfsmanna fjármálafyrirtækja gagnvart viðskiptamönnum sínum og er einn af hornsteinum bankastarfsemi. Ákvæði um bankaleynd er lögfest í lögum um fjármálafyrirtæki.
Fyrst er fjallað um hvað felst í bankaleyndinni og eru helstu rök með og á móti bankaleynd rakin. Farið er yfir upphaf bankastarfsemi bæði hér á landi og í heiminum. Þá er fjallað um ákvæði bankaleyndar í þeim löndum sem Íslendingar miða sig hvað oftast við og dregnar ályktanir um hvernig íslenskar reglur samræmist sambærilegum ákvæðum annarra landa.
Litið er til þróunar ákvæða um bankaleynd frá því að fyrst voru lögfest ákvæði hér á landi um þagnarskyldu starfsmanna banka og allt til dagsins í dag. Vikið er að þeim breytingum sem hafa orðið í áranna rás með hliðsjón af úrlausnum dómstóla. Þá er sett fram gagnrýni á gildandi rétt og sú gagnrýni rökstudd.
Leitað er svara við því hvort að ákvæði um bankaleynd njóti stjórnskipulegrar verndar 71. gr. stjórnarskrárinnar. Ítarlega er fjallað um þær takmarkanir sem geta verið á bankaleyndinni og réttarstaðan skýrð með hliðsjón af dómaframkvæmd.
Þá er fjallað um lagasetningu í kjölfar bankahrunsins og hvernig þau ákvæði snerta meginreglurnar um þagnarskyldu starfsmanna fjármálafyrirtækja sem og líklega þróun á sviðinu.
Að endingu er efni ritgerðarinnar tekið saman, niðurstöður birtar og ýmsar hugmyndir viðraðar um hvað betur mætti fara.

Birting
8.5.2009


Skrár
NafnRaðanlegtStærðRaðanlegtAðgangurRaðanlegtLýsingHækkandiSkráartegund
i_fixed.pdf735KBLokaður Heildartexti PDF