is Íslenska en English

Lokaverkefni (Meistara)

Háskólinn á Bifröst > Félagsvísindadeild > Meistarverkefni í félagsvísindadeild (MA) >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/25167

Titill: 
  • Sveifluáhrif fjármálastjórnar hins opinbera : kortlagning sveifluáhrifa á ársgrundvelli til samanburðar við úrslit alþingiskosninga frá 1963 til 2009
  • Titill er á ensku The Cyclicality of Icelandic Fiscal Policy : Mapping fiscal policy cyclicality on an annual basis to collate with Icelandic parliamentary election results from 1963 to 2009
Námsstig: 
  • Meistara
Leiðbeinandi: 
Útdráttur: 
  • Markmið þessarar ritgerðar er að rannsaka hvort sveifluáhrif fjármálastjórnar hins opinbera hafi haft teljandi áhrif á úrslit alþingiskosninga á Íslandi. Í ritgerðinni eru sveifluáhrif fjármálastjórnar hins opinbera kortlögð á ársgrundvelli fyrir öll ár frá 1963 til 2009. Með röð fjölþátta línulegra aðhvarfsgreininga fyrir allar mögulegar, útreiknanlegar tímaraðir á tímabilinu 1963 til 2009 fæst samfelld sveifluáhrifa-tímalína fyrir allt tímabilið. Þannig er hægt að bera meðaltalsgildi sveifluáhrifa innan kjörtímabils saman við niðurstöður alþingiskosninga til að sjá hvort tengsl séu milli sveifluáhrifa fjármálastjórnar og kjörfylgis ríkisstjórnarflokka að kjörtímabili loknu og þannig skoða hvort kjósendur verðlauni stjórnvöld sem viðhalda sveiflujafnandi fjármálastjórn og refsi stjórnvöldum sem viðhalda sveifluaukandi fjármálastjórn, -eða ekki. Þá er einnig fjallað um fyrri rannsóknir, en þær hafa komist að mismunandi og jafnframt ósamrýmanlegum niðurstöðum varðandi umfang og eðli sveiflujafnandi fjármálastjórnar á Íslandi.
    Helstu niðurstöður rannsóknarinnar eru þær að þvert á það sem áður hefur verið haldið fram var fjármálastjórn hins opinbera ekki sveifluaukandi áratuginn eða svo fyrir íslenska efnahagshrunið, nánar tiltekið árin 1996 til 2007, heldur var hún að mestu sveiflujafnandi. Fyrri vísbendingar um hið gagnstæða eru tilkomnar vegna aðferðafræðilegra vankanta, sem og yfirsjónar við útreikninga. Fylgni er til staðar milli sveifluáhrifa á kjörtímabili og kjörfylgis stjórnarflokka við næstu kosningar á þann máta að ríkisstjórn sem heldur úti sveifluaukandi fjármálastjórn er líklegri til að missa meira fylgi í næstu alþingiskosningum en ríkisstjórnir sem viðhalda sveiflujafnandi fjármálastjórn (allar ríkisstjórnir á tímabilinu misstu fylgi milli kosninga). Samt sem áður er fylgnin ekki nægilega sterk til að teljast tölfræðilega marktæk fyrir úrtakið og því heldur núlltilgátan; það er, að sveifluáhrif fjármálastjórnar hafi ekki teljandi áhrif á úrslit alþingiskosninga á Íslandi.

  • The purpose of this study is to determine whether parliamentary elections in Iceland are significantly affected by fiscal policy cycles. To do this the cyclicality of Icelandic fiscal policy is mapped for each year between 1963 and 2009. To provide annual values of cyclicality, series of multivariate linear regression analyses for all possible, computable time periods between 1963 and 2009 are used to achieve a coherent cyclicality-timeline. Average values for cyclicality within an electoral term are collated with Parliamentary election results to see if there is a relationship between the cyclicality of a cabinet's fiscal policy and its share of the electoral vote the following election. Thus, we gain insights as to whether voters reward governments that pursue a countercyclical fiscal policy and punish governments that pursue a procyclical fiscal policy. Furthermore the reasons for there being conflicting and incompatible conclusions regarding cyclicality in Icelandic fiscal policy between different studies are investigated.
    The main findings are that, despite previous assertions to the contrary, fiscal policy in Iceland during the decade or so leading up to the Icelandic financial crisis (the years from 1996 to 2007, to be precise) was not procyclical but rather countercyclical for the most part. Previous evidence to the contrary is the result of both methodological weaknesses and calculation shortcomings. Furthermore there is a correlation between cyclicality and electoral performance to the effect that a government whose fiscal policy is procyclical is more likely to lose a larger share of voters than a government whose fiscal policy is countercyclical (all cabinets during the time period in question lost voter support to some degree). However, the correlation is not strong enough to be considered statistically significant for the sample in question and thus the null hypothesis holds; that is, that parliamentary elections in Iceland are not significantly affected by the cyclicality of the previous government's fiscal policy.

Samþykkt: 
  • 10.6.2016
URI: 
  • http://hdl.handle.net/1946/25167


Skrár
Skráarnafn Stærð AðgangurLýsingSkráartegund 
MA_Hlynur_Hallgrimsson_2016.pdf1.09 MBOpinnHeildartextiPDFSkoða/Opna