is Íslenska en English

Lokaverkefni (Bakkalár)

Listaháskóli Íslands > Myndlistardeild / Department of Fine art > Lokaritgerðir / Theses (BA) >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/25338

Titill: 
  • Listmeðferð : tilraun til að færa hugleiðslu yfir í virkar myndir
Námsstig: 
  • Bakkalár
Útdráttur: 
  • Hér verður fjallað um hvernig nota megi sköpunaraflið til að beisla innri óróleika, með því að beita hugleiðsluaðferðum í myndlist og yfirfæra þannig andlega togstreitu í myndrænt jafnvægi. Óróleikinn er allt umlykjandi og veldur ójafnvægi. Upp úr honum sprettur þörf fyrir kyrrð og jafnvægi. Það ástand nálgast ég í gegnum myndlistina. Þessi þörf á uppruna sinn í reynslu minni af kvíða og þeirri neikvæðu orku sem fylgir kvíðaröskun. Með því að sökkva mér í sköpunarferlið næ ég fram vissri heilun og innri togstreitu er bægt frá. Í ritgerðinni verður rakið hvernig myndlistin gagnast sem persónulegt meðferðarúrræði. Hvernig skapa má öruggt rými innan myndlistarinnar til þess losa sig við þá þráhyggju sem óhjákvæmilega fylgir kvíðanum. Reynt verður að skýra ástæðurnar fyrir valinu á málverkinu sem miðli, þróun myndheims míns og hvernig innri skjálftum er veitt í myndrænan farveg. Fjallað verður um inntak verkanna, hvernig ferlið, náttúrumyndir og skært litróf fléttast saman í myndheimi verkanna. Óróleikinn birtist í mörgum verkanna, í ýktum litum, þráhyggjukenndum mynstrum og ofgnótt alls. Síðan er hugarróin sem myndast í ferlinu greinileg í mýkt hinna lífrænu forma. Ritgerðin er rannsókn á þáttum í sköpunarferlinu, málverkum mínum og vangaveltur um hvernig það má tengja listfræðihugmyndum og öðrum listamönnum, sem svo sannarlega hafa margir hverjir einnig þurft að takast á við innri djöfla. Sérstaklega er fjallað um hvernig myndlistin hefur verið eins konar heilun fyrir mig.

Samþykkt: 
  • 22.6.2016
URI: 
  • http://hdl.handle.net/1946/25338


Skrár
Skráarnafn Stærð AðgangurLýsingSkráartegund 
SalvorSolnes.pdf9.34 MBOpinnHeildartextiPDFSkoða/Opna