Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/2573
Í þessu riti er gerður samanburður á þróun þjóðhagsstærða landa Asíu í aðdraganda fjármálakreppunnar í lok 10. áratugsins á síðustu öld og þróun þjóðhagsstærða Íslands í aðdraganda bankahrunsins árið 2008. Farið er yfir helstu viðvörunarvísbendingar fjármálakreppu og skiptist rannsóknin í þrjá megin kafla. Í 3. kafla er vaxandi ójafnvægi í þjóðarbúskapnum skoðað út frá viðskiptahalla og þjóðhagsvísbendingum sem hafa áhrif á sjálfbærni hans. Þjóðhagsvísbendingarnar eru hagvöxtur, fjárfestingarstig, vergur sparnaður, verðbólga og raungengishækkun. Í 4. kafla er fjallað um fjármálakerfið og mikinn vöxt í útlánum þar sem áherslan var á magn fremur en gæði. Í 5. kafla er bent á vaxandi uppsöfnun erlendra skulda, samsetningu þeirra og mögulegan vanda ef skyndilega kæmi til þess að vilji væri ekki lengur fyrir hendi að velta áfram skammtímaskuldum. Niðurstaðan er sú að á Íslandi, líkt og í Asíu, er orsök fjármálakreppunnar ekki of sterk viðbrögð erlendra fjárfesta eða utanaðkomandi skellur. Þjóðhagsstærðir Íslands og Asíulandanna gefa vísbendingu um að óhófleg erlend lántaka vegna freistnivanda leiði til versnandi viðskiptajafnaðar og að lokum fjármálakreppu.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Kristjan 2009_fixed.pdf | 914.77 kB | Opinn | Heildartexti | Skoða/Opna |