Afhverju bækur? : tengsl bókaeignar á heimili við lestraráhugahvöt barna

Abstract

Lesskilningi hefur hrakað meðal allra aldurshópa og hjá báðum kynjum áundanförnum árum. Góð lestrargeta hefur lengi verið tengd við auknavitsmunagetu og betri námsárangur sem er undirstaða velgengni seinna í lífinu. Erlendar rannsóknir hafa sýnt fram á sterk tengsl milli bóklesturs og góðrar lestrargetu en þar skiptir lestraráhugahvöt höfuðmáli. Markmið þessarar rannsóknar var að skoða tengsl bókaeignar á heimili og lestraráhugahvatar barna í fimmta bekk. Samkvæmt fræðikenningunni um auðugt læsisumhverfi eru sterk jákvæð tengsl milli þessara tveggja þátta. Alls tóku 400 börn úr átta skólum á höfuðborgarsvæðinu þátt í rannsókninni. Gengið var út frá árangursmarkmiðskenningu Nicholls um áhuga (e. interest) og gögn úr rannsókn Freyju Birgisdóttur og Steinunnar Gestsdóttur á sjálfstjórnun og læsi á miðstigi notuð til að prófa tilgátu rannsóknarinnar. Tilgátan var sú að jákvæð tengsl væru á milli bókaeignar á heimili og lestraráhugahvatar barna. Niðurstöður þessarar rannsóknar studdu við tilgátuna og var góður marktækur munur á lestraráhuga milli þeirra barna sem eiga fáar eða engar bækur á heimili og þeirra sem eiga margar bækur, þar sem auðugra læsisumhverfi gaf til kynna meiri lestaráhuga. Ekki hafa verið gerðar margar íslenskar rannsóknir sem skoða bókafjölda á heimiliog áhrif auðugs læsisumhverfis. Með niðurstöðunum er vonast til að sýna fram á mikilvægi þess að auðga læsisumhverfi barna.