Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/2601
Ritgerð þessi fjallar um þann samdrátt í efnahagslífi Vesturlanda sem varð í kjölfar fjármálakreppunnar sem hófst árið 2008. Þeim spurningum er varpað fram hvaða afleiðingar þessi samdráttur hefur á efnahag og velferð í Asíu og hvaða merkingu þetta gæti haft fyrir alþjóðaviðskipti.
Til þess að komast að niðurstöðum voru skoðaðar rannsóknir og skýrslur ýmissa fræðimanna auk gagna frá hinum ýmsu þróunar- og efnahagsstofnunum. Niðurstöðurnar leiddu það í ljós að afleiðingar fjármálakreppunnar munu bitna verulega á útflutningsgeiranum í Asíu sem er einn af máttarstólpum asísks efnahagskerfis. Þetta mun ýta undir ýmis félagsleg vandamál sem nú þegar eru til staðar í Asíu. Mikil hætta er á verulegri lífskjaraskerðingu, en í Asíu má hennar einmitt síst við. Í kjölfar minni eftirspurnar á Vesturlöndunum og samdráttar í útflutningi frá Asíu má búast við einhverjum breytingum á viðskiptaháttum á milli Vesturlandanna og Asíu. Þessar breytingar munu þó ekki einskorðast við þessa tvo heimshluta sökum þess hve mikið vægi þeir hafa í heimshagkerfinu og því munu áhrifin mjög líklega teygja sig um allan heiminn og hafa að öllum líkindum áhrif á alþjóðaviðskipti.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
MAI_2_fixed.pdf | 1.54 MB | Opinn | Heildartexti | Skoða/Opna |