is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/26459

Titill: 
  • Tafabætur í verksamningum. Tilkynningaskylda verktaka vegna tafa á verkskilum
Námsstig: 
  • Bakkalár
Efnisorð: 
Útdráttur: 
  • Umfjöllunarefni þessarar ritgerðar er samningsbundin vandefndaúrræði í kröfurétti, með sérstakri áherslu á tafabætur í verksamningum. Vanefndaúrræði er eitt af helstu umfjöllunarefnum kröfuréttarins. Algengt er að aðilar að verksamningi semja sín á milli um vanefndaúrræði sem þeir telja að henti best sínu réttarsambandi. Tafabætur teljast til skaðabóta sem samið er um í verksamningum en eru ólíkar hefðbundum skaðabótum að því leiti að þær hafa bæði kosti og galla fyrir báða samningsaðila. Í tafabótum felst að verktaki greiðir tiltekna fjárgreiðslu til verkkaupa fyrir þann tíma sem skil dragast fram yfir umsaminn afhendingardag. Bætur sem þessar eru bæði taldar vera holl hvatning til verktaka að efna sinn hluta samnings, auk þess sem þær fela í sér aukið hagræði við úrlausn ágreinings ef til þess kemur.
    Byrjað verður á að fjalla um samningsfrelsi, fræðigreinina kröfurétt og almennt um vanefndaúrræði kröfuréttar. Í þriðja kafla verður farið almennt yfir vanefndaúrræði í samningum og afleiðingar þeirra. Næst verður fjallað um verksamninga. Síðan verður fjallað um tafabætur, sem eru þungamiðja ritgerðarinnar. Einnig verður vikið að ákvörðunum um upphæð tafabóta, en fjárhæðin getur bæði verið í formi fastrar upphæðar eða tiltekinnar prósentu upphæðar verksamningsins, ásamt heimild dómstóla til endurskoðunar.
    Sjötti kafli fjallar um ÍST-30 staðalinn. Það er sá staðall sem mest er stuðst við hér á landi og verður hann skoðaður með áherlsu á tilkynningaskyldu verktaka, þá sérstaklega þegar kemur að seinkun á verkskilum og við mat á því hvort tafabætur skulu greiddar. Ef samningsaðilar leita til dómstóla eftir úrlausn deilumála þegar kemur að verksamningum getur það haft mikil áhrif á niðurstöðu dómsins hvort ÍST-30 staðallinn hafi verið notaður við gerð samningsins eða ekki. Lokakafli ritgerðarinnar fjallar um tilkynningaskyldu verktaka vegna tafa á verkskilum, nauðsyn rökstuðnings við tilkynningu verktaka um seinkun og aðstæður sem geta réttlætt þær tafir sem valda seinkun verkskila.
    Meginmarkmið umfjöllunnarinnar er að varpa ljósi á mikilvægi tilkynningaskyldu verktaka þegar greiðsla tafabóta verður deilumál og mikilvægi rökstuðnings við tilkynningu um seinkun skiladags. Til stuðnings þess sem fram kemur er vísað til hæstaréttardóma þar sem reynt hefur á ákvæði um tafabætur og tilkynningaskyldu í verksamningum.

Samþykkt: 
  • 15.12.2016
URI: 
  • http://hdl.handle.net/1946/26459


Skrár
Skráarnafn Stærð AðgangurLýsingSkráartegund 
Lokaritgerd.pdf498.3 kBOpinnHeildartextiPDFSkoða/Opna
Yfirlýsing.pdf299.11 kBLokaðurYfirlýsingPDF