ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Hugvísindasvið>B.A. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/2683

Titill

Síðasta stúlkan og Zaraþústra: Slægingarmyndir út frá heimspeki Nietzsche í Svo mælti Zaraþústra

Útdráttur

Í þessari ritgerð mun ég kynna slægingarmyndir (e.slasher film) ásamt
kenningum úr bókinni Svo mælti Zaraþústra: Bók fyrir alla og engan eftir
Friedrich Nietzsche. Markmið mitt er að greina slægingarmyndir og helstu
persónur úr þeim og bera þær saman við þær heimspekikenningar sem
Nietzsche setur fram í Svo mælti Zaraþústra. Þær kenningar sem kynntar verða
úr Svo mælti Zaraþústra eru hugmyndin um ofurmennið, hinsta manninn, dauða
guðs og tómhyggju. Slægingarmyndir eru undirgrein hryllingsmynda sem hafa
ákveðna formgerð og innihalda sams konar persónur. Grímuklætt illmenni ræðst
á hóp ungmenna úr sama vinahópi og myrðir þau eitt af öðru. Ein stúlka sem
sker sig úr hópnum áttar sig á hættunni sem steðjar að og nær að yfirbuga
illmennið. Hún er sú eina sem lifir árás illmennisins af og gengur undir nafninu
síðasta stúlkan (e.final girl). Saga slægingarmynda er kynnt og helstu forverar
greinarinnar eru greindir með tilliti til þeirra einkenna sem hjálpuðu til við að
skapa greinina. Mikilvægustu myndir greinarinnar verða kynntar og sýnt verður
fram á hvernig þær hjálpuðu til við að fullmóta formið með því að skapa
greininni fastmótuð einkenni. Að lokum verður tekið dæmi um tvær kvikmyndir
sem byggja á þeirri arfleið sem forverar þeirra sköpuðu. Lykilpersónur úr
slægingarmyndum eru illmennið, síðasta stúlkan og vinir síðustu stúlkunnar. Ég
mun greina þær persónur og leitast til við að lesa þær út frá þeim
heimspekikenningum sem Nietzsche setur fram í Svo mælti Zaraþústra.

Birting
18.5.2009


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
BA_Atli_Erlendsson... .pdf286KBOpinn Heildartexti PDF Skoða/Opna