is Íslenska en English

Lokaverkefni (Bakkalár)

Háskóli Íslands > Hugvísindasvið > B.A. verkefni - Hugvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/2685

Titill: 
  • Hinn ófæri vegur: Tractatus og Daó
Námsstig: 
  • Bakkalár
Leiðbeinandi: 
Útdráttur: 
  • Í þessari ritgerð verður þess freistað að grafast fyrir um mörk hins segjanlega og
    ósegjanlega og hvaða leiðir Wittgenstein fer í tilraun sinni til að útskýra hið ósegjanlega í
    bókinni Tractatus Logico-Philosophicus. Einnig verður fjallað um hvers vegna
    Wittgenstein telur að ekki sé hægt að fjalla um viðföng siðfræði og hvort ósegjanleiki
    þeirra geti mögulega hjálpað okkur að skilja þau.
    Wittgenstein útlistar hlutverk Tractatus í formála bókarinnar. Hann byrjar á því að segja
    að það sé hægt að taka saman merkingu bókarinnar í eina málsgrein: „Það sem sagt
    verður verður sagt á skýran hátt en um það verður að þegja sem ekki er hægt að segja.“
    Þetta er sterk yfirlýsing og kann að vekja forvitni um það sem verður sagt í framhaldi af
    þessu. Þá vaknar sú spurning hvernig Wittgenstein hugðist skrifa bók sem við eigum að
    skilja en er á sama tíma um eitthvað sem er erfitt og jafnvel ómögulegt að útskýra. Þetta
    vill hann gera með því að draga mörk hugsunar í tungumálinu sjálfu. Það, sem liggur
    handan hins hugsanlega er hrein og bein merkingarleysa. Í lok formálans talar
    Wittgenstein einmitt um gildi bókarinnar, Tractatus, sem felst í því að hún tjáir hugsanir
    á skýran hátt en um leið komi í ljós hversu litlu hefur í raun og veru verið áorkað þegar
    þessi heimspekilegi vandi óskýrleikans hefur verið leystur. Þetta eru hin yfirlýstu
    markmið Tractatus. Með tilliti til ósegjanleikans og hinna mystísku eiginleika hans mun
    ég fjalla um daóisma og bók Lao Tzu, Bókin um veginn. Þessar tvær bækur eiga margt
    sameiginlegt því þær reyna báðar að komast handan hins segjanlega. Báðar víkka þær út
    sjóndeildarhring okkar þrátt fyrir að koma úr afar ólíkum áttum.

Samþykkt: 
  • 18.5.2009
URI: 
  • http://hdl.handle.net/1946/2685


Skrár
Skráarnafn Stærð AðgangurLýsingSkráartegund 
pd_fixed.pdf277.15 kBOpinnHeildartextiPDFSkoða/Opna