ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Félagsvísindasvið>B.A./B.Ed./B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/26981

Titill

Breytilegt inntak aðgæsluskyldu kaupanda í fasteignakaupum

Efnisorð
Skilað
Apríl 2017
Útdráttur

Lög um fasteignakaup nr. 40/2002 (hér eftir skammstöfuð fkpl.) tóku gildi 1. júní 2002. Í þeim er m.a. að finna ákvæði um galla. Markmið ritgerðarinnar var að skýra frá gallahugtakinu á sviði fasteignakaupa ásamt því að greina frá takmörkunum á því. Meðal lögbundinna takmarkana á gallahugtakinu eru smávægilegir gallar vegna gallaþröskuldar 2. málsl. 1. mgr. 18. gr. fkpl. svo og minni háttar stærðarfrávik skv. 21. gr. fkpl. Í 29. gr. fkpl. er svo að finna ákvæði um aðgæsluskyldu kaupanda. Markmið ritgerðarinnar er að skýra frá aðgæsluskyldunni, athuga hvað hefur áhrif á inntak hennar og kanna hvort að setning laga um fasteignakaup hafi breytt framkvæmd dómstóla. Í því skyni verður dómaframkvæmd Hæstaréttar könnuð og litið til atriða sem lágu til grundvallar þegar Hæstiréttur taldi kaupanda bera ýmist vægari eða ríkari aðgæsluskyldu. Þá var markmiðið að flokka með skýrum hætti á hvaða grunni atriði, sem áhrif hafa á inntak aðgæsluskyldu kaupanda eru reist. Þó ber að athuga að vegna eðlis réttarsviðsins verða þessi atriðið hvergi tæmandi talin.
Í fyrstu köflum ritgerðarinnar er almennt fjallað um fasteignakaup og gallahugtakið á sviði fasteignakaupa sem og helstu takmarkanir á gallahugtakinu. Þá verður fjallað um upplýsingaskyldu seljanda, en upplýsingaskyldan er nátengd aðgæsluskyldu kaupanda sem er þungamiðja ritgerðarinnar. Um aðgæsluskyldu kaupanda verður fjallað í kafla 6 þar sem greint verður almennt frá henni. Að því loknu tekur dómaframkvæmd Hæstaréttar yfir og þar sem skoðuð verða öll þau helstu atriði sem lágu til grundvallar mats á inntaki aðgæsluskyldu. Að lokum er fjallað um samspil aðgæsluskyldu og upplýsingaskyldu og áhrif 3. mgr. 29. gr. fkpl. á dómaframkvæmd Hæstaréttar.

Samþykkt
18.4.2017


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
Guðni Friðrik Odds... .pdf375KBLæst til  4.4.2020 Heildartexti PDF  
Yfirlýsing.GFO.pdf117KBLokaður Yfirlýsing PDF