ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Félagsvísindasvið>B.A./B.Ed./B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/26982

Titill

Stærðarþröskuldur 21. gr. fasteignakaupalaga: Getur inntak greinarinnar verið mismunandi eftir aðstæðum?

Efnisorð
Skilað
Apríl 2017
Útdráttur

Kaup á fasteign eru að jafnaði ein stærsta fjárfesting sem einstaklingar ráðast í. Fasteignir eru hluti af daglegu lífi allra en flestir taka þátt í að kaupa eða selja fasteign að minnsta kosti einu sinni á lífsleiðinni. Með kaupunum er kaupandi ekki eingöngu að ráðstafa fjármunum sínum heldur oftast einnig að stofna til viðamikilla skuldbindinga við lánastofnanir til að fjármagna kaupin og þannig ráðstafa aflahæfi sínu til langs tíma. Þetta svið lögfræðinnar snertir þar af leiðandi marga og ljóst er að huga þarf að mörgu við kaupin.
Fasteignir eru í flestum tilvikum keyptar á grundvelli skoðunar og lítur kaupandi þar til ýmissa þátta, til dæmis stærðar eignar og skipulags hennar. Kaupandi metur þannig hvort eignin henti honum og hvað hann er reiðbúinn að greiða mikið fyrir hana. Við kaupin vegast síðan á aðgæsluskylda kaupanda og upplýsingaskylda seljanda, en oft stendur það seljanda nær að upplýsa um galla á eigninni. Viðar Már Matthíasson fullyrðir í bók sinni Fasteignir og fasteignakaup að samningar um fasteignakaup hafi meiri þýðingu á Íslandi en á hinum Norðurlöndunum, einkum vegna þess að sú almenna regla gildi á Íslandi að einstaklingar eigi húsnæðið sem þeir búa í, það er fari með hinn beina eignarétt að því. Á hinum Norðurlöndunum er aftur á móti algengara að einstaklingar leigi fasteignir til búsetu.
Hinn 1. júní 2002 tóku gildi lög nr. 40/2002 um fasteignakaup (hér eftir „fkpl.“). Með lögunum var lögfest í íslenskan rétt ákvæði um það hvenær fasteign telst gölluð. Í þessari ritgerð verður athyglinni beint að 21. gr. laganna sem fjallar um stærðarfrávik. Samkvæmt greininni telst það ekki galli í skilningi laganna þótt flatarmál fasteignar sé minna en kaupandi gerði ráð fyrir nema það sé verulega minna en seljandi upplýsti fyrir kaup eða háttsemi hans feli í sér stórfellt gáleysi.
Í kafla 2 verður gerð grein fyrir gallahugtakinu og gildistöku fasteignakaupalaga. Í kafla 3 verður dómaframkvæmd Hæstaréttar að því er varðar 21. gr. fkpl. gerð skil og kannað hvar hinn svokallaði stærðarþröskuldur hefur verið talinn liggja. Í kafla 4 verður fjallað um aðgæsluskyldu kaupanda og þá verður í kafla 5 vikið að hlutverki upplýsinga frá Fasteignaskrá Íslands við sölu á fasteignum og hvort heppilegt sé að byggt sé á slíkum upplýsingum í söluyfirliti eignar. Í kafla 6 verður 21. gr. fkpl. borin saman við norræna lagaframkvæmd. Að lokum verður í kafla 7 þeirri spurningu velt upp hvort inntak 21. gr. fkpl. eigi að ráðast af aðstæðum hverju sinni og þá jafnframt hvort heppilegt sé að ein og sama reglan gildi um ólíkar tegundir fasteigna.

Samþykkt
18.4.2017


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
BA-ritgerð, Stærða... . gr. fasteignakaupalaga, lokaskjal PDF.pdf431KBLæst til  15.4.2018 Heildartexti PDF  
Lokayfirlýsing Kr... .pdf271KBLokaður Yfirlýsing PDF