ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Félagsvísindasvið>B.A./B.Ed./B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/26991

Titill

Miskabætur vegna kynferðisbrota gegn börnum. Sönnunarkröfur og mat bótafjárhæða

Efnisorð
Skilað
Apríl 2017
Útdráttur

Í þessari ritgerð verður fjallað um miskabætur sem dæmdar eru í kynferðisbrotamálum gegn börnum. Miskabætur vegna slíkra brota eru nánast án undantekninga dæmdar á grundvelli 26. gr. skaðabótalaga nr. 50/1993 en samkvæmt 1. mgr. þeirrar greinar er heimilt að láta þann sem af ásetningi eða stórfelldu gáleysi veldur líkamstjóni á öðrum, eða þann sem ábyrgð ber á ólögmætri meingerð gegn frelsi, friði, æru eða persónu annars manns greiða miskabætur til þess sem misgert var við. Oft getur verið erfitt að sýna fram á þær afleiðingar sem kynferðisbrot hefur á tjónþola, þar sem algengara er að þær séu andlegar fremur en líkamlegar. Brotaþolum eru þó í flestum þeim tilvika þar sem sakfellt er fyrir kynferðisbrot einnig dæmdar miskabætur og oft er látið nægja að vísa til þess að slík brot séu almennt til þess fallin að valda þeim sem fyrir þeim verða miska.
Í ritgerðinni verður í upphafi farið almennt yfir það hvað miski er, hver munurinn er á fjártjóni og miska, hvert hlutverk miskabóta er ásamt því að litið verður til ákvæða sem fjalla um miskabætur í skaðabótalögum. Þá verður farið nánar í það hvað felst í 1. mgr. 26. gr. skaðabótalaga og forsaga ákvæðisins rakin. Í meginparti ritgerðarinnar verður svo fjallað um það þegar miskabætur eru dæmdar vegna kynferðisbrota gegn börnum. Farið verður yfir það hvernig bótakrafan er sett fram, hvaða sönnunarkröfur eru gerðar í slíkum málum auk þess sem reglur um fyrningu krafnanna verða raktar stuttlega. Þá verða fjárhæðir bótanna skoðaðar nánar og athugað til hvers er einkum litið við mat á þeim. Að lokum verður örlítið komið inn á rétt þolenda kynferðisbrota til greiðslu bóta úr ríkissjóði samkvæmt lögum nr. 69/1995.

Samþykkt
18.4.2017


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
BA-ritgerð.pdf514KBLæst til  18.4.2050 Heildartexti PDF  
Yfirlýsing.pdf273KBLokaður Yfirlýsing PDF