is Íslenska en English

Lokaverkefni (Bakkalár)

Háskólinn í Reykjavík > Samfélagssvið / School of Social Sciences > BA Lagadeild / Department of Law >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/28265

Titill: 
  • Tilkynningarskylda atvinnurekenda um vinnuslys til Vinnueftirlits ríkisins : þróun hennar, skilyrði og áhrif á sönnun
Námsstig: 
  • Bakkalár
Útdráttur: 
  • Menn leitast við að skrásetja ýmsa atburði, meðal annars til að forðast misskilning, koma í veg fyrir skröksögur og auðvitað til að draga lærdóm frá þeim. Hér eru vinnuslys ekki undanskilin, enda má ætla að mikilvægi þess að standa rétt skil á orsökum og ástæðum vinnuslysa geti verið verulegt.
    Heiti þessarar ritgerðar er ,,Tilkynningarskylda atvinnurekenda um vinnuslys til Vinnueftirlits ríkisins”, en samkvæmt 1. og 2. mgr. 79. gr. laga nr. 46/1980 um aðbúnað, hollustuhætti og öryggi á vinnustöðum bera atvinnurekendur lögbundna skyldu til þess að tilkynna vinnuslys til Vinnueftirlits ríkisins og er sú tilkynning jafnframt forsenda þess að rannsókn fari fram á orsökum slysa. Í ritgerðinni verður farið yfir forsögu tilkynningarskyldunnar bæði í lögum og reglum ásamt því að gera grein fyrir þeim breytingum og þeirri þróun sem skyldan hefur tekið í gegnum tíðina. Miðað verður að því að skýra efnislegt inntak núgildandi lagaákvæðis, með því móti að skilgreina þau hugtök sem felast í ákvæðinu og skýra þau skilyrði sem það gerir kröfu um, með það að markmiði að gera því greinargóð skil hvenær tilkynningarskyldan verður virk. Í ritgerðinni verður einnig fjallað um tilkynningarskylduna með tilliti til sönnunarfærslu í skaðabótamálum. Verður því gerð grein fyrir þeirri dómaframkvæmd íslenskra dómstóla um hvaða áhrif vanræksla á tilkynningu getur almennt haft í för með sér á sönnunarstöðu málsaðila. Í ritgerðinni verður rakin forsaga þessarar dómaframkvæmdarinnar með sérstakri hliðsjón af formi vanrækslunnar. Þá verður jafnframt gerð grein fyrir þeim tilvikum sem, samkvæmt dómaframkvæmd, teljast til undantekninga þar frá.
    Af lestri ritgerðarinnar má sjá að tilkynningarskyldan er óneitanlega þýðingarmikil og virðist það einnig vera mat dómstóla, enda er hún í grunninn forsenda þess að koma megi í veg fyrir að slys endurtaki sig og þannig stuðlar hún að auknu öryggi starfsmanna og annarra á sérhverjum vinnustað.

  • Útdráttur er á ensku

    The process of documenting various incidents has been acknowledged as a way to avoid misunderstandings, prevent tall tales and learning from past experiences. Comparing this process to work-related accidents underlines the importance of correctly documenting the accident causation factors. According to article 79 in the Icelandic Act on Working Environment, Health and Safety in the Workplace No. 46/1980, the employer has a statutory obligation to report all work-related accidents to the Icelandic Administration of Occupational Safety and Health, Vinnueftirlit ríkisins. This report is a prerequisite for accident investigations.
    The subject of this essay is the previously mentioned obligation of employers to report work-related accidents to Vinnueftirlit ríkisins as it is stated in article 79. The obligation itself in legislation can be traced back to the year 1928. This essay will attempt to explain these changes and development that this obligation has had on Icelandic legislation and regulations since 1928 and all the way to the current Working Environment Law No. 46/1980. Also the goal is to explain the concepts and conditions found in article 79 to clarify as to when, and when not, the obligation arises. Furthermore what are the effects if employers neglect to report accidents, as seen from Icelandic tort case law, and conclusions drawn from them in the form of a principle and exceptions.
    This essay shows that the obligation to report work-related accidents is undeniably significant as it is the basis for preventing accidents and thus contributes to the increased safety of employees and other at every workplace. From the research of case law this seems to be the opinion of the courts as well.

Samþykkt: 
  • 14.6.2017
URI: 
  • http://hdl.handle.net/1946/28265


Skrár
Skráarnafn Stærð AðgangurLýsingSkráartegund 
BA ritgerð2, Tilkynningarskylda atvinnurekenda um vinnuslys til Vinnueftirlits ríkisins.pdf1.15 MBOpinnHeildartextiPDFSkoða/Opna