Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/2941
Viðfangsefni þessa verkefnis er að greina hvort heimavinnsla og sala afurða beint frá býli
eigi framtíð fyrir sér á Íslandi. Þá er einnig reynt að bera saman hvernig íslenskir
heimavinnsluaðilar standa samanborið við Norðmenn sem lengi hafa stundað
heimavinnslu og eru framarlega í framleiðslu heimaunninna matvæla.
Fjallað er örstutt um sögu og þróun landbúnaðar síðustu misseri og farið yfir helstu
áhrifaþætti þessarar þróunar. Það eru einkum nýsköpun og frumkvöðlafræði sem liggur
þessari skýrslu til grundvallar auk þess sem markaðsfræðin og fleiri fræði fléttast inn í
fræðilegar skilgreiningar. Niðurstöður sýna að þrátt fyrir slæmt efnahagsástand þá
stendur landbúnaður vel hér á landi hvað varðar gæði afurða og hreinleika. Þetta eru
þættir sem við þurfum að sameinast um að varðveita og kynna fyrir ferðamönnum sem
hingað koma. Það er ljóst að heimavinnsla er rétt að byrja hér á landi og þarf að huga að
ýmsu til að gera hana öflugri og styrkari t.d þurfa stjórnvöld og forsvarsmenn
Bændasamtakanna að standa þétt við bakið á aðilum sem áhuga hafa á því að hefja
framleiðslu og reyna eftir fremsta megni að greiða götu þeirra. Það er heilmikið og flókið
laga og regluverk sem nær utan um sölu og framleiðslu á landbúnaðarvörum og þyrfti að
endurskoða það til hlítar og jafnvel rýmka eða sveigja. Alla vega aðlaga að íslenskum
staðháttum og samræma áherslur eftirlitsaðila. Ákveðnar reglur þurfa þó að vera til staðar
svo vandað sé til verks og einungis gæðavörur séu á boðstólum.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
BSritgerd_Olafia_vor2009_fixed.pdf | 485.13 kB | Lokaður | Heildartexti |