ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Félagsvísindasvið>Meistaraprófsritgerðir>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/2958

Titill

„Maður er þarna en samt á hliðarlínunni“

Útdráttur

Rannsókn þessi fjallar um stöðu og reynslu forsjárlausra foreldra á
Íslandi. Hún skiptist í 12 kafla. Í fyrsta lagi er fjallað um fjölskyldur
og kenningarlegar umræður um hana. Verður þannig gerð grein fyrir
fjölskyldunni sem hugtaki, fræðilegum hugmyndum um fjölskylduna auk
fjölskyldustefnu. Í annan stað verður vikið að þróun feðrahlutverksins á
Íslandi á 20. öld og í þriðja kafla að þróun forsjár hér á landi. Í fjórða
kafla verður rætt um hliðstæðar rannsóknir og fimmti kafli gerir grein
fyrir aðferð, markmiðum og framkvæmd rannsóknar þ.m.t.
rannsóknarpsurningu. Sjötti kafli birtir helstu niðurstöður rannsóknar
þ.e.a.s. sameiginlega reynslu þátttakenda og hvað einkennir hana. Er þar
aðallega um að ræða hindranir á umgengni við börn og tvenns konar
hindranir í kerfinu. Kaflar 7-10 fjalla um önnur einstök atriði
rannsóknarspurningar s.s. raunverulega þátttöku viðmælenda í lífi barna,
samskipti þeirra við forsjárforeldrið, upplifun, viðhorf og
framtíðarhugmyndir. Í 11. kafla verður síðan fjallað um hugtakið Parental
Alienation Syndrome (P.A.S.). Að síðustu verður svo samantekt um
niðurstöður rannsóknar og umræður.
Helstu niðurstöður þessarar rannsóknar eru að sameiginleg reynsla
forsjárlausra foreldra einkennist af hindrunum með ýmsum hætti. Í fyrsta
lagi er um að ræða umgengnishindranir þar sem forsjárforeldrið hindrar eða
jafnvel tálmar umgengni um lengri eða skemmri tíma. Í öðru lagi er um að
ræða hindranir í kerfinu en með kerfinu er átt við þær stofnanir sem
viðkomandi hefur átt í samskiptum við vegna barna sinna ásamt
lagaumhverfinu. Er þar aðallega um að ræða hindranir í að fá forsjá svo og
úrræðaleysi vegna umgengnisbrota. Flestir þátttakendur hafa tapað
forsjármálum og sumir oftar en einu sinni. Þá hafa þeir ekki haft erindi
sem erfiði þegar þeir hafa leitað eftir úrlausnum í kerfinu. Kerfið veitir
auk þess takmarkaðan rétt til upplýsinga. Raunveruleg þáttaka í lífi barna
er takmörkuð, samskipti við forsjárforeldrið eru stirð og þeir upplifa sig
til hliðar. Kerfið fær algjöra falleinkunn og þeir vilja sjá tafarlausar
breytingar þar á. Við skilnað eða sambúðarslit verður röskun á þátttöku
þeirra í lífi barnanna. Staða þeirra er því sú að vera á hliðarlínunni
þegar kemur að hlutverki þeirra sem foreldrar.

Birting
3.6.2009


Skrár
NafnRaðanlegtStærðRaðanlegtAðgangurRaðanlegtLýsingHækkandiSkráartegund
Forsjarlausir_fixed.pdf1,39MBOpinn Heildartexti PDF Skoða/Opna