ÍslenskaenEnglish

Aðilar að Skemmunni

Leit eftir:


LokaverkefniHáskólinn á Bifröst>Viðskiptadeild>Lokaverkefni í viðskiptadeild (BS)>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/2966

Titill

Breytingar á mæliaðferðum fjölmiðla á Íslandi og áhrif þeirra

Útgáfa
Júní 2009
Útdráttur

Fjölmiðlar eru í hugum margra gluggi að upplýsingum, fréttum, fræðslu og
skemmtiefni en einnig eru þeir oft kallaðir „ fjórða valdið“ þar sem þeir
endurspegla skoðanir, viðhorf og umræðu fólksins í landinu og veita
stjórnvöldum aðhald og aga. Ýmislegt hefur verið rætt og ritað um fjölmiðla í
gegnum tíðina og sér í lagi síðustu ár, til dæmis um eignarhald miðlanna,
gegnsæi og það hvernig best sé að reka og stjórna þessum spegli samfélagsins.
Fjölmiðlarannsóknir hafa þróast með miðlunum frá upphafi og hefur þeim
fleygt fram síðustu tvo áratugina eða frá því að einokun Ríkisins á rekstri
ljósvakamiðla var aflétt í ársbyrjun 1986. Þessar kannanir hafa þjónað
misjöfnum tilgangi en í grunninn hefur markmið þeirra verið að upplýsa
stjórnendur miðlanna um störf þeirra, upplýsa auglýsendur um hversu margir
sjá skilaboðin þeirra og til uppröðunar dagskráliða fyrir miðlanna. Í þessari
ritgerð leitast höfundur við að skoða uppruna og sögu fjölmiðla og
fjölmiðlakannana á Íslandi. Farið verður yfir á fræðilegan hátt hvað fjölmiðill
er, hvaða tilgangi hann þjónar og hverjir kostir hans og gallar eru. Einnig
verður skýrt út hvað fjölmiðlarannsókn er og hvaða tilgangi hún þjónar fyrir
ljósvakamiðlana og auglýsendur. Höfundur mun sýna fram á hvernig
fjölmiðlaflóran hefur þróast á undanförum tveimur áratugum og hvaða
ljósvakamiðlar hafa lifað af á þessum litla markaði. Ítarleg umfjöllun er um
helstu fjölmiðlakannir, allt frá árinu 1967 til vorra tíma. Uppruni þessara
kannanna, framkvæmd þeirra og niðurstöður eru skoðaðar og bornar saman við
framkvæmdir og niðurstöður rafrænna mælinga eða hinna svokölluðu Portable
People Meter (PPM) mælinga. Höfundur mun fara í saumana á rafrænum
mælingum, hvenær þær byrjuðu, hvernig þær virka, hverjir eru helstu kostir og
gallar slíkra mælinga ásamt því að fjalla um framkvæmd þessara rannsókna.
Einnig verður skoðað hversvegna þessar mælingar eru svona mikilvægar fyrir
miðlana og samfélagið. Höfundur mun að lokum skoða hvort rafrænar
mælingar á fjölmiðlum séu í raun eins góðar og um hefur verið rætt og hvort
það svari kostnaði fyrir miðlana að nota þessar rannsóknir.

Birting
3.6.2009


Skrár
NafnRaðanlegtStærðRaðanlegtAðgangurHækkandiLýsingRaðanlegtSkráartegund
BSritged_Halfdan_v... .pdf1,34MBOpinn Heildartexti PDF Skoða/Opna