is Íslenska en English

Lokaverkefni (Bakkalár)

Háskóli Íslands > Heilbrigðisvísindasvið > B.S. verkefni - Heilbrigðisvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/3019

Titill: 
  • Hvað er Tilfinningamiðuð Meðferð? Sýnir hún árangur?
Námsstig: 
  • Bakkalár
Leiðbeinandi: 
Útdráttur: 
  • Leitast er við að gera skýra grein fyrir hvað felst í tilfinningamiðaðri meðferð (TMM), bakgrunni, kenningu og skipulagi og hvort hún sýni árangur. TMM er aðferð er sameinar hið atferlislega, hugræna og tilfinningalega og kallast því samþætt aðferð (integrative approach). Áhersla er lögð á úrvinnslu tilfinninga til að ná viðvarandi bata frá sálmeinum. Talið er að aðeins sé hægt að breyta tilfinningu með tilfinningu (change emotion with emotion). Litið er á meðferðina sem tilfinningaþjálfun (emotion coaching), þar sem meðferðaraðili er bæði fylgjandi (following) og leiðandi (leading) og meðferðaraðili og skjólstæðingur vinna saman að árangri. Tilfinningaþjálfunin fer fram í átta þrepum, þar sem byrjað er að viðurkenna tilfinningarnar í stað þess að hafna þeim. Tilfinningum er skipt í frumtilfinningar (primary emotions), sem eru fyrstu viðbrögð okkar við aðstæðum og afleiddar tilfinningar (secondary emotions), sem eru vörn okkar gegn frumtilfinningum. Til að hægt sé að vinna með tilfinningar er talið nauðsynlegt að öðlast aðgang að frumtilfinningum, sem er markmið tilfinningaþjálfunar. Frumtilfinningum er skipt í tilfinningar er stuðla að aðlögun (adaptive emotions) og tilfinningar er hindra aðlögun (maladaptive emotions). Unnið er áfram með tilfinningar er stuðla að aðlögun, en breyta þarf tilfinningum er hindra aðlögun. Kjarni tilfinningaþjálfunar er að bera kennsl á frumtilfinningar, meta hvort þær eru heilbrigðar eða skaðlegar og breyta skaðlegum tilfinningum með því að öðlast aðgang að nýjum, heilbrigðum tilfinningum og setja þær í staðinn fyrir skaðlegar tilfinningar. Rannsóknir benda til að TMM sýni árangur, ýmist umfram eða til jafns við aðrar aðferðir.

Samþykkt: 
  • 9.6.2009
URI: 
  • http://hdl.handle.net/1946/3019


Skrár
Skráarnafn Stærð AðgangurLýsingSkráartegund 
pd_fixed.pdf370.1 kBOpinnHeildartextiPDFSkoða/Opna