is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/3078

Titill: 
  • Staða forsjárlausra foreldra þegar umgengni er tálmað
Námsstig: 
  • Bakkalár
Útdráttur: 
  • Hjónaskilnaðir eru nú mun tíðari en áður var. Áður fyrr var viðkvæðið að fólk sem ekki var ánægt í hjónabandi ætti að halda saman barnanna vegna. Rannsóknir hafa hins vegar leitt í ljós að það er oft ekki skilnaðurinn sjálfur sem mest áhrif hefur á börnin þegar til lengri tíma er litið heldur hvernig sambandi við foreldrana er háttað eftir á. Jákvætt samband við báða foreldra eftir skilnað eða sambúðarslit stuðlar framar öðru að góðri aðlögun hjá börnum.
    Rík lagatengsl myndast milli kynforeldra og barns strax við fæðingu barnsins. Þessi tengsl fela í sér margvísleg réttindi og skyldur, meðal annars forsjárskyldu, umgengnisrétt og framfærsluskyldu. Íslensk barnalöggjöf byggir á því grundvallarsjónarmiði að hagsmunir barns séu ávallt hafðir í fyrirrúmi og að barn eigi ætíð að njóta þess sem því er fyrir bestu. Við ákvörðun um forsjá og umgengni barns við skilnað eða sambúðarslit er það annars vegar réttur barnsins sem hafa skal í forgrunni og hins vegar réttindi og skyldur foreldra gagnvart barninu. Skyldur foreldra felast m.a. í því að annast barnið og vernda, tryggja andlega og líkamlega velferð þess og þroska, leiðbeina því og koma til manns þar til barnið verður sjálfráða við 18 ára aldur. Réttur barnsins felst hins vegar fyrst og fremst í því að fá að þekkja báða foreldra sína og njóta umönnunar þeirra beggja. Öll börn eiga jafnan rétt, óháð því hvort foreldrar þeirra búa saman eða ekki. Verður þessi réttur ekki takmarkaður nema vegna hagsmuna barnsins sjálfs.
    Markmið þessarar ritgerðar er í fyrsta lagi að kanna hvort og að hvaða leyti réttarstaða forsjárlauss foreldris til umgengni við barn sitt er tryggð í íslenskum rétti. Í annan stað verður kannað hvaða sjónarmið eru höfð til viðmiðunar við ákvörðun á umgengni. Jafnframt hvort íslensk barnalöggjöf á sviði umgengnisréttar sé í samræmi við þær alþjóðlegu skuldbindingar sem íslenska ríkið hefur gengist undir og hvort hinir alþjóðlegu sáttmálar sem Ísland er aðili að séu hafðir til hliðsjónar við úrlausn ágreiningsmála um umgengni.

Samþykkt: 
  • 23.6.2009
URI: 
  • http://hdl.handle.net/1946/3078


Skrár
Skráarnafn Stærð AðgangurLýsingSkráartegund 
_3__fixed.pdf186.38 kBLokaðurHeildartextiPDF