ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Félagsvísindasvið>B.A./B.Ed./B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/3082

Titill

Staðreyndir og gildisdómar í meiðyrðamálum

Útdráttur

Allt frá upphafi laga á Íslandi hafa lögin mælt fyrir um vernd ærunnar með einhverjum hætti enda góður orðstír löngum verið talinn mikilvægur. Æruvernd er á sviði refsiréttar og skaðabótaréttar en miklu máli skipta einnig mannréttindin á sviði stjórnskipunarréttar. Mikil þróun hefur átt sér stað á síðustu árum og áratugum hvað varðar vernd æru manna. Áður fyrr snerist úrlausn á því hvort ummæli væru ærumeiðandi og sættu ábyrgð fyrst og fremst að því hvort viðkomandi ummæli yrðu heimfærð undir þau ákvæði almennra hegningarlaga nr. 19/1940 sem banna móðganir, aðdróttanir og óviðurkvæmileg ummæli (234., 235. og 241. gr. laganna). Þróunin er ekki síst fyrir áhrif Mannréttindasáttmála Evrópu og Mannréttindadómstóls Evrópu. Tjáningarfrelsi manna er orðið mun rýmra og fráleitt er að ýmis ummæli sem töldust refsiverð á seinni hluta síðustu aldar myndu teljast það nú. Eitt atriði sem hefur haft mikil áhrif á þessar breytingar er flokkun ærumeiðandi ummæla í staðhæfingar um staðreyndir annars vegar og gildisdóma hins vegar. Í þessari ritgerð verður sjónum beint að þessari flokkun og muninum á staðhæfingum um staðreyndir og gildisdómum. Leitast verður við að skilgreina hugtökin og gera grein fyrir þeim mismunandi sjónarmiðum sem eiga við í réttarframkvæmd á þessu sviði. Skoðaðir verða dómar Mannréttindadómstóls Evrópu og íslenskra dómstóla og ályktanir dregnar af dómaframkvæmd og þróun hennar og reynt verður að gera grein fyrir réttarstöðunni á þessu sviði.

Birting
23.6.2009


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
dagny_BA_fixed.pdf338KBOpinn Meginmál PDF Skoða/Opna
forsida_dagny_fixed.pdf53,3KBOpinn Forsíða PDF Skoða/Opna