ÍslenskaenEnglish

Aðilar að Skemmunni

Leit eftir:


LokaverkefniHáskólinn á Akureyri>Hug- og félagsvísindasvið>B.A./B.Ed. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/310

Titill

Nú er ég svo gamall sem á grönum má sjá : þjóðsögur og hentugleiki þeirra í starfi með börnum í leikskóla

Leiðbeinandi
Útdráttur

Þetta verkefni er lokaverkefni til B.Ed gráðu við kennaradeild Háskólans á Akureyri. Í því er verið að rannsaka hentugleika þjóðsagna í starfi með börnum í leikskóla. Verkefnið hefst á inngangi höfundar. Í öðrum kafla er fjallað um þjóðsögur almennt, hvað þær eru og hvaðan þær eru upprunnar. Fjallað er stuttlega um Jón Árnason, einn þekktasta og umsvifamesta þjóðsagnasafnara Íslendinga. Ítarlegri flokkun hans á þjóðsögum er gerð skil og dæmi tekin af þekktum þjóðsögum og flokkun þeirra. Innihald þjóðsagna er skoðað og þar á eftir gerir höfundur grein fyrir því hvers vegna honum finnast þjóðsögur henta vel í starfi með börnum í leikskóla. Höfundur telur þjóðsögur hafa mikið uppeldisfræðilegt gildi vegna orða þeirra og orðtaka sem finnast í þeim og nýta má til að þroska mál og málskilning barna. Auk þess innihalda þær fjölbreyttan boðskap sem börn geta lært af.
Þriðji kafli fjallar um rannsóknina sjálfa, sem er eigindleg þátttökurannsókn. Hún fór fram í leikskólanum Krógabóli á Akureyri um fjögurra vikna skeið. Þar leitaðist höfundur við að svara eftirfarandi spurningu: Henta þjóðsögur í starfi með börnum í leikskóla? Í byrjun kaflans segir höfundur frá undirbúningi að rannsókninni sem fólst meðal annars í vali á markmiðum og leiðum. Aðferðafræði höfundar er tíunduð en þar ber hæst uppeldisfræðileg skráning, gagnaöflun sem felur í sér skráningu og innihald. Næst á eftir fer rannsóknin sjálf og skiptist hún í fjóra flokka: samverustund (felur meðal annars í sér að börn sitja og hlusta á lestur eða sögur), hópastarf (börnum skipt niður í hópa og vinna þau að ólíkum verkefnum), söngstund og hreyfingu. Höfundur notaði þjóðsögur í starfi með börnum í þessum fjórum þáttum leikskólastarfsins.
Í fjórða kafla birtir höfundur niðurstöður rannsóknar sinnar. Höfundur kemst að þeirri niðurstöðu að þjóðsögur eigi heima í leikskólum og henti vel vegna fjölbreytni þeirra og ríks innihalds. Kaflinn endar á gagnrýni höfundar.
Í fimmta kafla eru umræður. Í þeim birtast vangaveltur höfundar um þjóðsögurnar og rannsóknina sjálfa, ásamt fleiru. Verkefninu lýkur með lokaorðum höfundar.

Athugasemdir

Verkefnið er opið nemendum og starfsfólki Háskólans á Akureyri

Birting
1.1.2005


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
egsvogamall.pdf577KBTakmarkaður Nú er ég svo gamall sem á grönum má sjá - heild PDF  
egsvogamall_e.pdf76,6KBOpinn Nú er ég svo gamall sem á grönum má sjá - efnisyfirlit PDF Skoða/Opna
egsvogamall_h.pdf119KBOpinn Nú er ég svo gamall sem á grönum má sjá - heimildaskrá PDF Skoða/Opna
egsvogamall_u.pdf87,9KBOpinn Nú er ég svo gamall sem á grönum má sjá - útdráttur PDF Skoða/Opna