ÍslenskaenEnglish

Aðilar að Skemmunni

Leit eftir:


LokaverkefniHáskólinn á Akureyri>Heilbrigðisvísindasvið>B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/3110

Titill

Áhrif umhverfis á líf og aðstæður fjölskyldna fatlaðra barna

Útdráttur

Markmið rannsóknarinnar var að greina áhrif umhverfisins á fjölskyldur fatlaðra barna. Leitast var við að svara eftirfarandi spurningum: „Hver eru áhrif umhverfis á líf og aðstæður fjölskyldna fatlaðra barna?“, „Hvaða þættir í umhverfinu hafa áhrif á líf og aðstæður fjölskyldna fatlaðra barna á Norðurlandi eystra samkvæmt matslistanum Mat á umhverfisþáttum – styttri útgáfa?“ og „Hver er áreiðanleiki og notagildi íslenskrar þýðingar og staðfæringar á matslistanum með fjölskyldum fatlaðra barna?“. Upplýsingum var safnað með matslistanum Mat á umhverfisþáttum – styttri útgáfa auk viðbótarspurningalista þar sem aflað var lýðfræðilegra upplýsinga. Rannsóknin er lýsandi megindleg þversniðsrannsókn (Cross-sectional descriptive quantitative design) með tölulegum niðurstöðum. Þátttakendurnir voru 31 fjölskylda fatlaðra barna yngri en 18 ára og félagsmenn Þroskahjálpar á Norðurlandi eystra eða aðildarfélaga innan þess. Rannsakendur voru viðstaddir fyrirlögn listanna til að útskýra hugsanleg vafaatriði og auka líkur á réttmætari svörun og áreiðanleika.Við greiningu gagna var tölfræðiforritið Statistical Package for the Social Sciences (SPSS) notað. Niðurstöður rannsóknarinnar sýna að helstu hindranir sem þátttakendur tilgreindu tengjast efnislegu umhverfi (lýsing, hávaði og margmenni), stjórnsýslu og viðhorfi og stuðningi. Þjónusta og aðstoð og skóli og vinna hindra þær síður. Töluverð dreifing var á heildarniðurstöðum þar sem staðalfrávik var hátt og gefur það til kynna að umhverfisþættir hafi mismikil áhrif á fjölskyldurnar. Marktækur munur var á svörum foreldra eftir aldri barnanna og barna með ADHD, einhverfu og þroskahömlun, en þau tilgreindu meiri vanda en foreldrar annarra barna. Innri áreiðanleiki íslensku staðfæringarinnar á matslistanum var góð þar sem alfastuðullinn (coefficient alpha) var 0,861. Rannsóknin varpar ljósi á reynslu fjölskyldna á áhrifum umhverfis á þátttöku í daglegu lífi og getur nýst við skipulag og framkvæmd þjónustu við markhópinn. Rannsakendur álíta þó að matslistinn henti betur sem viðtalsrammi heldur en spurningalisti. Einnig má einfalda uppsetningu hans og skipulag.
Lykilhugtök: matslisti, umhverfisþættir, þátttaka, hindranir, fjölskylda.

Birting
26.6.2009


Skrár
NafnHækkandiStærðRaðanlegtAðgangurRaðanlegtLýsingRaðanlegtSkráartegund
áhrif umhverfis á ... .pdf1,33MBOpinn Áhrif umhverfis á fjölskyldur fatlaðra barna - heild PDF Skoða/Opna