ÍslenskaenEnglish

Aðilar að Skemmunni

Leit eftir:


LokaverkefniHáskólinn á Akureyri>Hug- og félagsvísindasvið>B.A./B.Ed. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/3170

Titill

Lengi býr að fyrstu gerð : tónlistaruppeldi barna á leikskólaaldri

Útdráttur

Eftifarandi ritgerð er unnin sem lokaverkefni til B.Ed. prófs. Í henni er fjallað um gildi
tónlistar fyrir börn á leikskólaaldri. Markmið með þessari ritgerð er að leita svara við
spurningunum: Hver eru markmið með tónlistaruppeldi barna í leikskólunum Birkilundi í
Skagafirði og Kópasteini Kópavogi og hvernig er unnið að þeim markmiðum.
Í fyrri hluta verksins er fjallað á fræðilegan hátt um börn og tónlist. Fyrst um það
hvernig börn þroskast almennt fyrstu æviárin, og svo hvernig tónlistarþroski þeirra eflist.
Fjallað er um rannsóknir á áhrifum tónlistar á börn en skiptar skoðanir eru um niðurstöður
þeirra. Þá eru skoðuð hlutverk leikskólakennara við tónlistaruppeldi og almenn markmið með
tónlistaruppeldi leikskólabarna. Seinni hluti verksins byggir á rannsókn. Tekin voru hálf opin
viðtöl við þrjá tónlistarkennara sem starfa í tveimur leikskólum við tónlistarstarf með
leikskólabörnum. Í viðtölunum við þá var leitað svara við rannsóknarspurningunum og
kannað hvernig tónlistakennarar setja upp tónlistarstundir með ungum börnum. Gerður var
samanburður á markmiðum kennaranna með tónlistarstarfi sínu, leiðum að markmiðum,
kennsluaðferðum og námsgögnum.
Titill ritgerðarinnar: Lengi býr að fyrstu gerð, tónlistaruppeldi barna á leikskólaaldri
vísar til þess að tónlistaruppeldi þykir mikilvægur þáttur í uppeldi barna. Viðtöl við kennarana
sem starfa að tónlist með börnum gáfu vísbendingu um að tónlistarupplifun hafi jákvæð áhrif
á almennan þroska barnanna. Einnig fékkst vísbending um að markmið með tónlistarstundum
ungra barna ættu að vera að gefa börnum tækifæri til að njóta tónlistar og fá að stunda hana,
sem er í samræmi við Aðalnámskrá leikskóla. Til að vinna að þessum markmiðum ætti að
vinna með fjóra helstu þætti tónlistar, sem eru söngur, hreyfing, hlustun og að leika með
hljóðgjafa. Talið er að það sé mikilvægt að leyfa börnum að upplifa fjölbreytta tónlist, að
kynnast henni og læra að njóta hennar þannig að þau verði hæfari til að velja og hafa skoðun á
hvað þeim finnst skemmtileg og áhugaverð tónlist.

Athugasemdir

Verkefnið er lokað til jan. 2010

Birting
3.7.2009


Skrár
NafnRaðanlegtStærðRaðanlegtAðgangurHækkandiLýsingRaðanlegtSkráartegund
lokaritgerd pdf la... .apríl 2009.pdf11,3MBOpinn Lokaritgerð PDF Skoða/Opna