is Íslenska en English

Lokaverkefni (Bakkalár)

Háskólinn á Akureyri > Viðskipta- og raunvísindasvið > B.S. verkefni >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/3211

Titill: 
  • Byggðastefna ESB og Ísland : hvernig kemur byggðastefnan út fyrir Ísland?
Námsstig: 
  • Bakkalár
Útdráttur: 
  • Í umræðunni um aðild að ESB hefur lítið farið fyrir byggðastefnu sambandsins. Má það kannski helst rekja til þess að sjávarútvegs- og landbúnaðarstefnur sambandsins hafa einokað umræðuna í gegnum tíðina en stefnurnar eru helsta þrætuefnið Íslendinga um ESB aðild.
    Í verkefninu er farið yfir byggðastefnu ESB og markmið hennar, byggðasjóðunum eru gerð skil ásamt þeim fjölmörgu áætlunum sem Íslendingum stæði til boða. Sett er upp raunhæft dæmi þar sem athugað er hvaða lönd Ísland getur borið sig saman við, hversu mikið þau lönd fá úr byggðasjóðunum, hversu mikið Ísland getur vænst að fá úr byggðasjóðunum og hversu mikið íslenska ríkið þarf að greiða í mótframlag. Einnig er skoðað hvort möguleiki væri á hærri styrk ef byggðakortinu yrði breytt í tvö NUTS 2 héruð.
    Niðurstaða verkefnisins er sú að meðalupphæðin, úr samkeppnishæfnis- og svæðasamstarfsmarkmiðunum ásamt aukafjárstyrk sem líklegt er að Ísland fengi vegna annmarka sinna, hljóðar upp á 21,1 milljarða íslenskra króna. Væntanlegt mótframlag stjórnvalda yrði svipuð upphæð sem þýðir að yfir 40 milljörðum yrði varið til byggðamála hérlendis á þessu sjö ára tímabili sem byggðaáætlunin nær yfir. Mögulegt er að styrkur gæti fengist úr samleitnimarkmiðinu þar sem VLF og VÞT landsins fara líklega lækkandi á næstu árum vegna efnahagsástandsins hér á landi. Skipting byggðakortsins í fleiri NUTS 2 svæði þarf að athuga nánar en við fyrstu skoðun er það mjög líklegt að ef landinu fengist skipt upp í tvö NUTS 2 svæði þá myndi landsbyggðin falla undir samleitnimarkmiðið en það veitir aukna styrki og hugsanlega lægri mótframlög.

Samþykkt: 
  • 13.7.2009
URI: 
  • http://hdl.handle.net/1946/3211


Skrár
Skráarnafn Stærð AðgangurLýsingSkráartegund 
315sland2).pdf3.28 MBOpinnByggðastefna ESB og ÍslandPDFSkoða/Opna