ÍslenskaenEnglish

Aðilar að Skemmunni

Leit eftir:


LokaverkefniHáskólinn á Akureyri>Viðskipta- og raunvísindasvið>B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/3236

Titill

Hver eru áhrif lánsfjárkreppunnar á samruna og skuldsettar yfirtökur fyrirtækja?

Leiðbeinandi
Útdráttur

Markmiðið með þessari ritgerð er að leitast við að svara þeirri spurningu hver áhrif alþjóðlegu lánsfjárkreppunnar, sem hófst í júlí árið 2007 eru á samruna og skuldsettar yfirtökur fyrirtækja (M&A). Í fyrsta hluta ritgerðarinnar er fjallað um eðli og tegundir þessara viðskiptagerninga. Þar kemur m.a. fram að samrunar og yfirtökur eru viðskipti þar sem fyrirtæki sameinast eða fyrirtæki eru yfirtekin af öðrum og þau hætta að starfa í sinni eldri mynd. Ástæður fyrir þessum viðskiptum eru mismunandi og fara eftir ásetningi kaupenda. Þannig getur verið um að ræða samruna, sameiningu, tilboð til hluthafa, kaup á eignum, stjórnendayfirtökur og yfirtökur frá óháðum aðila. Helstu rök fyrir því að fyrirtæki ráðast í samruna og yfirtökur er að ná fram samlegðaráhrifum. Fjármögnun við samruna og yfirtökur er í formi reiðufés, hlutabréfa og lántöku.
Í öðrum hluta er fjallað um lánsfjármarkaði og upphaf hinnar svokölluðu lánsfjárkrísu. Þar kemur m.a. fram að rætur lánsfjárkreppunnar liggja í ótta bandaríska seðlabankans við verðhjöðnun í upphafi þessa áratugar. Vegna þessa lækkaði bandaríski seðlabankinn stýrivexti sína markvisst og mörg önnur vestræn ríki fylgdu sama fordæmi til að tryggja samkeppnishæfni sína á hinum alþjóðlega fjármagnsmarkaði. Þetta olli því að eignabóla myndaðist á fasteigna- og hlutabréfamörkuðum. Vegna lækkandi vaxtastigs leituðu fjárfestar í áhættusamari fjármálaafurðir til að tryggja viðunandi ávöxtun. Fjármálaafurðir á borð við svokallaða skuldabréfavafninga urðu vinsælar. Þá voru lán auðfengin í samruna og yfirtökur þar sem vextir í slíkum viðskiptum voru yfirleitt með góðu álagi og skiluðu góðri þóknun til fjárfestingabanka. Fyrirtæki voru metin á háum EBITDA-margföldurum meðal annars vegna lágs fjármagnskostnaðar. Þegar hrikta fór í greiðslustreymi af svokölluðum undirmáls veðlánum í Bandaríkjunum kipptu fjárfestar að sér höndum og reyndu að losna út úr stöðum sínum. Í kjölfarið varð keðjuverkandi hrun sem olli því að lausafjármarkaðir þornuðu upp.
Í þriðja hluta er tekin fyrir yfirtaka Eimskips á kæligeymslufyrirtækjunum Atlas Trust og Versacold. Markmið þessarar rannsóknar er að varpa ljósi á ákvarðanaferli og afleiðingar yfirtöku þessara fyrirtækja gagnvart Eimskipafélaginu, en lánsfjárkreppan svokallaða skall á í miðjum klíðum. Í lokin eru birtar niðurstöður úr þessari rannsókn í samhengi við rannsóknarspurninguna og aðra þætti ritgerðarinnar.
Lykilorð: Samrunar, yfirtökur, fjármögnun, lánsfjárkreppa og Eimskip

Athugasemdir

Verkefnið er lokað

Birting
22.7.2009


Skrár
NafnRaðanlegtStærðRaðanlegtAðgangurHækkandiLýsingRaðanlegtSkráartegund
Lokaverkefni_Skuli... .pdf858KBLokaður "Hver eru áhrif lánsfjárkreppunnar á samruna og skuldsettar yfirtökur fyrirtækja?"-heild PDF